शनिबार थपिने सङ्क्रमितको सङ्ख्या ५८४ पुग्यो

जेठ १०, काठमाण्डौ । देशका विभिन्न क्षेत्रमा थप ३६ जना कोरोना संक्रमित फेला परेका छन् । 

स्वास्थ्य तथा जनसंख्या मन्त्रालयका प्रवक्ता डा। विकास देवकोटाका अनुसार बैतडी, बाँके, झापा, बर्दिया र सुर्खेतमा गरी ३६ नयाँ संक्रमित थपिएका छन् । योसँगै कुल संक्रमित हुनेहरुको संखया ५८४ पुगेको छ । 

शुक्रबार बिहान पनि ३२ नयाँ संक्रमित थपिएका थिए । योसहित शुक्रबार बिहान र दिउँसो गरी देशमा ६८ नयाँ संक्रमित थपिएका छन् । 

डा। देवकोटाका अनुसार ३३ नयाँ संक्रमितमध्ये सेती अस्पतालको आइसोलेसनमा रहेका बैतडी शिवनाथ गाउँपालिका ४ जना रहेका छन् । उनीहरु २० वर्षका २ जना, २२ वर्षका एकजना र २७ वर्षका एक पुरुष रहेका छन् । भारतबाट आएका उनीहरुको आरडिटी परीक्षण पोजिटिभ देखिएपछि पीसीआर गरिएको थियो र सो क्रममा समेत पोजिटिभ रिपोर्ट आएको हो । 

यस्तै, विराटनगरस्थित कोशी प्रयोगशालामा गरिएको परीक्षणका क्रममा झापा गाउँपालिका झापाको डिल्लीराज मावि क्वारेन्टाइनमा बसिरहेका एक ३३ वर्षीय पुरुषमा समेत संक्रमण फेला परेको छ । 

राप्ति अस्पतालमा गरिएको परीक्षणको क्रममा बाँकेको नरैनापुर मदरसका १७ देखि ३२ वर्षका ६ पुरुषमा कोरोना संक्रमण पुष्टि भएको छ । 

बाँकेको नरैनापुर ३ स्थित राष्ट्रिय प्रावि गेगलीस्थित क्वारेन्टनाइनमा रहेका १५ जना पुरुषमा समेत संक्रमण पुष्टि भएको छ । उनीहरु १६ देखि ३२ वर्ष उमेरका रहेका बताइएको छ । 

नरैनापुर १, महातनियाको क्वारेन्टाइनमा बस्दै आएका ६ पुरुषमा समेत संक्रमण पुष्टि भएको छ । उनीहरुको उमेर २२ देखि ५० वर्ष रहेको छ । 

यस्तै, बर्दियाको बढैयाताल ७ का एक १९ वर्षीय पुरुषमा समेत कोरोना संक्रमण फेला परेको छ । 

यस्तै, सुर्खेतमा समेत एक महिला र २ पुरुषमा कोरोना संक्रमण पुष्टि भएको मन्त्रालयले जनाएको छ । 

हालसम्म नेपालमा कोरोना संक्रमण बिस्तार भएका जिल्ला संख्या ४१ पुगेको छ ।