महिलामा चाँडै बुढ्यौली निम्त्याउने पाँच कुरा

पुस २५, काठमाडौं। उमेर बढ्दै जानु हाम्रो जीवनको एक स्वभाविक तथा प्राकृतिक नियम हो । त्यसैले महिला, पुरुष तथा बालबालिकाको समय अनुसार नै उमेर बढिरहेको हुनछ ।

तर केही त्यस्ता बानीहरु हुन्छन्, जसले हाम्रो उमेर बढ्ने गतिलाई तिब्रसमेत बनाउन सक्छ । विभिन्न अध्ययनहरुका अनुसार उमेर बढेकोको असर पुरुषमा भन्दा महिलामा बढि देखिन्छ । त्यसैले आज हामी महिलाका त्यस्ता केहि बानीहरुका बारेमा चर्चा गर्दैछौं, जसले उनीहरुलाई छिट्टै बुढ्यौलीपन निम्त्याउँछ । 
जुन महिलाले कहिले पनि एक्ससाइज गर्दैनन्, उनीहरुमा छिट्टै बुढ्यौलीपन देखिन्छ । वास्तवमा व्यायाममले महिलाको शरीर र दिमाग दुबैलाई स्वस्थ बनाइराख्छ । यसैकारण जो महिला एक्ससाइज गर्दैनन्, उनीहरुको मसल र हड्डी पनि छिट्टै कमजोर हुनुको साथै ब्लड सर्कुलेशनमा समस्या पैदा हुन्छ । नियमित एक्टिभ रहने, योगा गर्ने, वेट ट्रेनिङ जस्ता क्रियाकलापले बुढ्यौलीपनलाई टाढै राख्न मद्दत गर्छ ।
लगातर चिन्ता गर्नाले तनाव बढ्छ र छाला चाउरिने, कपाल फुल्ने र थकान पैदा हुने जस्ता समस्या उत्पन्न हुन थाल्छन् । यदि लगातार स्ट्रेस भयो भने शरिरले आफैँ रिपेयर गर्न सक्दैन । त्यसैले साथीहरुसँग कुराकानी गर्ने, रमाइला क्रियाकलापतिर आकर्षित हुने गर्नु पर्छ ।

जो सधैं रिसाउँछ

पटक–पटक रिसाउँदा तनाव हार्मोन बढ्छ, जसका कारण छाला चाउरिने र स्वास्थ्य समस्यालाई निमत्याउँछ । यसका साथै उच्च रक्तचाप, मुटु सम्बन्धि समस्या र कमजोर इम्युनिटीको समस्या पैदा हुन्छ । त्यसैले सधैँ आफ्नो रिसलाई कन्ट्रोलमा राख्ने गर्नु पर्दछ ।

पर्याप्त पानी नपिउनु

पानी छालालाई हाइड्रेट राख्न तथा स्वास्थ्यका लागि अनिवार्य छ । कम पानी पिउने महिलाको छालामा सुख्खा तथा रुखोपन हुन्छ, जसका कारण छाला खुम्चिन थाल्छ र छिट्टै बुढ्यौली देखिन्छ । त्यसैले पानी प्रसस्त मात्रामा पिउँदा शरिर भित्रको विषाक्त पदार्थलाई बाहिर निकाल्छ र छालालाई मुलायम बनाइराख्छ । जसका लागि प्रत्येक दिन कमसेकम आठ गिलास पानी पिउनु पर्दछ ।

निद्राको कमि

जो महिला थोरै समय सुत्छन्, उनीहरुको आँखाभन्दा तल्लो भागमा कालो घेरो ९डार्क सर्कल० तथा सुनिएको आँखाले अनुहारको रङलाई फिक्का देखाउँछ । निन्द्राले कलेजोको उत्पादनमा मद्दत गर्नुका साथै छालालाई मजबुत बनाई राख्छ । यसको लागि हरेक राति ७ देखि ९ घण्टा सुत्नु आवश्यक छ ।