बाराक ओबामाकी छोरी साशा ओबामा रेष्टुरामा वेटरको काम गर्दै

काठमाडौं। अमेरिकी राष्ट्रपति बाराक ओबामाकी छोरी साशा ओबामा ह्वाइट हाउसको ऐस आरामलाई छाडेर  एक अमेरिकी रेष्टुराँमा वेटरको काम गर्छिन् भन्दा तपाईंलाई पत्यार नलाग्ला, तर सत्य यही हो । 

मिडिया रिपोर्टका अनुसार १५ वर्षकी साशा गर्मीको विदालाई उपयोग गर्दै मेराचुसेट्सको मार्था वाइनयार्डस्थित एक रेष्टुराँमा काम गरिरहेकी छिन् । जहाँ उनको काम भोजन सेवा ग्राहकमाझ टक्र्याउनु हो । 

बोस्टन हेराल्डको रिपोर्ट अनुसार साशा(जसको पूरा नाम नताशा हो)को साथ हरेक दिन उनी काम गर्ने रेष्टुराँमा अमेरिकी खुफिया विभागका ६ जना एजेन्ट समेत आउँछन, ताकि राष्ट्रपति पुत्रीलाई कुनै असुुरक्षा नहोस् । 

ओबामाको परिवार गर्मीको विदा मनाउन अक्सर यो शहर आइरहन्छ । 

तस्विरमा राष्ट्रपति ओबामाकी कान्छी छोरी साशालाई रेष्टुरामा वेटरको आधिकारिक पोशाक निलो टिसर्ट र क्यापमा रिसेप्सनमा काम गरिरहेको देख्न सकिन्छ । 

साशासँगै काम गर्ने रेष्टुराँका कर्मचारीहरुले हेराल्ड अखबारसँगको कुराकानीमा भनेका छन् कि उनी(ओबामा पुत्री) तल्लो तलामा काम गरिरहेकी छिन् । ‘हामी पहिला चकित थियौं कि जब उनी यहाँ काम गर्न आउँछिन, तब उनीसँगै यी ६ जना मानिस पनि दैनिक किन आएका होलान् ? त्यसपछि पो हामीलाई थाहा भयो साशा को हुन् भन्ने कुरा ।’ कर्मचारीहरुले भनेका छन् ।

ह्वाइट हाउसले साशाको कामको बिषयमा कुनै पनि आधिकारिक टिप्पणी गरेको छैन । तर मिशेल ओबामाले लगातार भन्दै आएकी छिन् कि उनी आफ्ना दुवै छोरीहरुलाई बिल्कुलै सामान्य तरिकाले हुर्काउन चाहन्छिन् । 

टेक अवे काउण्टरको कामबाहेक साशाले रेष्टुराका टेबलमा ग्राहकलाई खाना लगिदिनु र लञ्चको समयमा रेष्टुरालाई चुस्त बनाउने कार्यमा सहयोग गर्नु पनि हो । 

साशाभन्दा अघि उनकी दिदी मालियाले पनि फिल्मको सेटमा दुईपटक इन्टर्नसीपको काम गरेकी थिइन । 

पश्चिमा देशमा ठूलो हस्ती तथा नेताका छोराछोरीहरुले यस्तो काम गर्नु नौलो कुरा मानिदैन । डेविड र भिक्टोरिया बेकहमका छोरा ब्रुकलिन बेकहम पनि केही समयअघि लण्डनमा एक फिल्ममेकरको कार्यालयमा काम गर्थे । 

बीबीसीको सहयोगमा