►शकुन्तला कटुवाल (पाठक)
पुस ६, काठमाडौं । पोर्चुगलका सफल नेपाली व्यवसायी कुमार श्रेष्ठ परदेशिएको २५ वर्षपछि नेपाल फर्किएर विभिन्न सामाजिक तथा धार्मिक संघसंस्थालाई आर्थिक सहयोग गरी फर्किएका छन् ।
केही समयअघि नेपाल आई हाल पोर्चुगल फर्किसकेका श्रेष्ठले नेपालमा छँदा विभिन्न संघसंस्थाहरुलाई आर्थिक सहयोग गरेका हुन् ।
उनले आफ्नी पत्नी सरिता श्रेष्ठको साथमा भक्तपुरको सिद्धि शालिग्राम वृद्धआश्रमका ५० जेष्ठ नागरिकहरुलाई १ लाख १२ हजार रुपैयाँ बराबरको जाडोका सामाग्री वितरण गरेका छन् ।
यस्तै, भक्तपुरमा निर्माण भइरहेको पाथीभरा मन्दिरलाई श्रेष्ठले १ लाख ११ हजार १११ रुपैयाँ आर्थिक सहयोग प्रदान गरेका छन् ।
यस्तै, भक्तपुरमा निर्माण भइरहेको पाथीभरा मन्दिरलाई श्रेष्ठले १ लाख ११ हजार १११ रुपैयाँ आर्थिक सहयोग प्रदान गरेका छन् ।
काभ्रेको पाँचखाल नगरपालिका वडानम्बर १३ को मन्दिरका लागि सरिता श्रेष्ठ र श्रेष्ठसँगै नेपाल पुगेकी सरु उप्रेतीबाट ३५ हजार रुपैयाँ बराबरको जिन्सी सहयोग उपलब्ध भएको बताइएको छ ।
श्रेष्ठले मनकामना मन्दिर मर्मतका लागि, आफ्नो जन्मस्थलको स्कूल भवन निर्माणका लागि, दोखलाको भिमसेन मन्दिरमा समेत आर्थिक सहयोग गरेका उनको निजी सचिवालयले जनाएको छ ।
लामो समयपछि नेपाल फर्किएका पोर्चुगलको प्रतिष्ठित नेपाली व्यवसायी तथा चर्चित समाजसेवी श्रेष्ठले आफू नेपालमा छँदा देखेको राजनीतिक लुछाचुँडी तथा गुटबन्दी, विकास निर्माणका काममा हुने गरेको ढिलाई लगायतप्रति भने दुःख व्यक्त गरेका छन् ।
कुमार श्रेष्ठ पोर्चुगलमा पुगेर होटल व्यवसाय गर्ने पहिलो नेपाली हुन् । उनले हाल अन्नपूर्ण रेष्टुरेन्ट लगायताका चार वटा होटल पोर्चुगलमा संचालनमा ल्याएका छन् ।
देशकै लागी चिन्ता भेटिन्छ पोर्चुगलमा दुई दशकभन्दा लामो समय सम्म बसोबास गर्दै आएका श्रेष्ठ पोर्चुगलका सामाजीक गतिविधीमा गहिरो सहभागिता प्रकट गरेका छन् । नेवा पुजका संरक्षक तथा कला परिषदका अध्यक्ष श्रेष्ठ भन्छन्, – ‘बिशुद्ध सामाजीक कार्यमा मलाई सदैब चाख छ तर समाज सेवाको नाममा राजनिती र समाज सेवाको लागी राजनितीको म विरोधी हुँ । प्रवासमा नेपाली कला र संस्कृतीको जगेर्ना गर्ने गतिविधी सर्हानीय छ ।
‘हामी जहाँ रहे पनि नेपाललाई बिर्सनुहुन्न । हामीले सत्यता र धर्मको बाटोलाई भूल्नुहुन्न ।’ नेपाल फर्किनुअघि उनले आफ्नो शुभेच्छुकहरुसँग भनेका थिए ।
हाल कुमार श्रेष्ठ जस्तै २५ हजार भन्दा धेरै नेपाली पोर्चुगल पुगेका छन् । श्रेष्ठले आफूले सकेजति सबै नेपालीललाई सहयोग गर्छन् । र सबैलाई व्यवसाय गर्न प्रेरणा दिन्छन् ।
अन्त्यमा पोर्चुगल आउनेहरुका लागि उनी यसो भन्छन्, – ‘संघर्ष गर्न चाहाने र सक्नेले पोर्चुगलमा सुन्दर भविष्य कोर्न सक्छ । यहाँ हरहिसाबले जीवन सहज नै हुन्छ ।’
श्रेष्ठ पोर्चुगलका सामाजीक गतिविधीमा गहिरो सहभागिता प्रकट गरेका छन् । नेवा पुजका संरक्षक तथा कला परिषदका अध्यक्ष श्रेष्ठ भन्छन्, – ‘बिशुद्ध सामाजीक कार्यमा मलाई सदैब चाख छ तर समाज सेवाको नाममा राजनिती र समाज सेवाको लागी राजनितीको म विरोधी हुँ । प्रवासमा नेपाली कला र संस्कृतीको जगेर्ना गर्ने गतिविधी सर्हानीय छ ।
(शकुन्तला कटुवाल (पाठक) नेप्लिज वुमनका लागि पोर्चुगलबाट लेख्छिन् )