निजामती अस्पतालका करार नर्स किन आन्दोलित छन् ?

पुस १९,काठमाडौं । प्रशासनलले १४ बर्षदेखिको मुल्यांकन नगरेको भन्दै निजामती कर्मचारी अस्पतालका करार नर्सहरु आन्दोलित भएका छन् । स्थायीका लागि परीक्षा लिइ त्यसमा पास नभएकालाई अस्पतालले ज्यालादारीमा काम गर्न आदेश दिएपछि नर्सहरु आन्दोलित भएका छन् । करार सेवामा काम गरेको ४ बर्ष भएपछि स्थायीका लागि  परीक्षा लिनुपर्ने प्रावधान रहेको थियो । 

विनियमावली अनुसार काम नगरेको प्रशासनले ८ वर्षपछि परीक्षा लिएको थियो। कलेज प्रशासनले विनियमावली अनुसार काम नगर्दा हाल निजामती अस्पतालमा कार्यरत ३९ जना कर्मचारीहरु मारमा परेको नर्स रिजालको तर्क छ।  रिजाल भन्छिन्, 'जीवनको उर्जावान् समय निजामती अस्पतालमा बिताएका कतिपयले उमेर हदका कारण परीक्षा समेत दिन पाएनन्,तर परीक्षाको नतिजा प्रकाशन भएको २ महिना बितेपछि मात्रै अस्पतालले हामीलाई आगामी दिनमा ज्यालादारीमा मात्रै राख्न सकिने बतायो।'
 

अस्पताले गरेको उक्त व्यवहार न्यायोचित नभएको रिजाल बताउँछिन्।
 
रिजाल भन्छिन् अस्पताल प्रशासनले आफ्ना माग पुरा नहुन्जेल सम्म आन्दालन जारी राख्ने बताउँछिन् ।