नयाँ ३२३ सङ्क्रमण पुष्टि, थप एकको मृत्यु, कुल सङ्क्रमित ४०८५

जेठ २७, काठमाडौँ । नेपालमा सोमवार ३१४ जना नयाँ सङ्क्रमित थपिएका छन्।

स्याङ्जा जिल्लामा थप एकको कोभिड १९ का कारण मृत्यु भएको स्वास्थ्य तथा जनसङ्ख्या मन्त्रालयले जनाएको छ। कोभिड( १९ का कारण मृत्यु हुनेको कुल सङ्ख्या १४ पुगेको छ।

त्यसैगरी नेपालमा सोमवारसम्म कोरोनाभाइरसबाट सङ्क्रमित हुनेको कुल सङ्ख्या ३,७६२ पुगेको मन्त्रालयका प्रवक्ता डा। जागेश्वर गौतमले पुष्टि गरेका हुन्।

सङ्क्रमण देशका ७७ मध्ये ७१ जिल्लामा फैलिसकेको जानकारी पनि मन्त्रालयले दिएको छ।सोमवार पीसीआरबाट ४,७६६ को परीक्षण गरिएको र आरडीटीबाट ११,९४२ जनाको परीक्षण गरिएको प्रवक्ता गौतमले जनाए।

त्यसैगरी हालसम्म कोरोनाभाइरस सङ्क्रमणबाट ४८८ जना निको भएको बताइएको छ।

बढ्दो सङ्क्रमण
हिजो आइतवार २१३ जना नयाँ सङ्क्रमित थपिएका थिए।

त्यसैगरी शनिवार ३२३ जनामा सङ्क्रमण पाइएको थियो।मन्त्रालयले बिहीवार अहिलेसम्मकै सर्वाधिक सङ्ख्या ३३४ जनामा र शुक्रवार २७८ जनामा सङ्क्रमण देखिएको पुष्टि गरेको थियो।

पछिल्लो २४ घण्टामा प्रदेश नम्बर २ मा ७ जना महिला र १६७ जना पुरुष गरी कुल १७४ जना व्यक्तिमा कोरोनाभाइरस सङ्क्रमणको पुष्टि भएको त्यहाँको सामाजिक विकास मन्त्रालयले जनाएको वीरगञ्जस्थित हाम्री सम्वाददाता माधुरी महतोले जनाएकी छन्।तथ्याङ्क अनुसार अनुसार सप्तरी जिल्लामा १६ जना, महोत्तरी जिल्लामा १२ जना, सर्लाही जिल्लामा १२० जना, रौतहट जिल्लामा ११ जना, बारा जिल्लामा ७ जना र पर्सा जिल्लामा ८ जना व्यक्तिमा कोरोनाभाइरस सङ्क्रमण पुष्टि भएको छ।

चितवनबाट हाम्रा सम्वाददाता ईश्वर जोशीले जनाए अनुसार त्यहाँ निजी अस्पतालमा काम गर्ने दुई चिकित्सक सहित २३ जनामा कोरोनाभाइरस सङ्क्रमण पुष्टि भएको छ।

भरतपुर अस्पतालका मेडिकल सुपेरिन्टेन्डेन्टले सङ्क्रमण पुष्टि गरेको जोशीले बताएका छन्।
बीबीसी