चिसोले टाउको दुख्यो ? अपनाउनुहोस् यी काइदा

पुस १५, काठमाडौं। 

अदुवा
चिसो हावाले गर्दा रक्तनली सुन्निएर पनि टाउको दुख्न सक्छ। यस्तोमा अदुवाको रस सहितको पानी उमालेर खाँदा दुखाइ कम हुन्छ। किनकी  अदुवामा सुन्निएको कम गर्ने तत्व हुन्छ ।

 ल्वांग 

ल्वांगमा दुखाइ कम गर्ने तत्व पाइन्छ । थोरै ल्वांगलाई टुक्रा पारी सफा कपडामा बाँधेर केहीबेर  सुँघेमा त्यसको स्वादले  टाउको दुखाइ कम हुन्छ ।

चिया
चियामा हुने तत्वले पनि टाउको दुखाइ कम गर्छ । टाउको दुखेको बेला चिनी नहालेको एक कप चिया खाएर केहीबेर आरामगर्दा टाउको दुखाइ कम हुन्छ । चियामा सुकमेल, अदुवा, ल्वाङ, दालचिनी र अलैची हालेको चिया खानु उपयुक्त हुन्छ ।

मनतातो झोलिलो खानेकुरा

मनतातो खानेकुरा जस्तै, मसरुमको सुप, ज्वानोको झोल, तुलसी चिया, तरकारी मिसाइएका सुप कम मसला हालेको खानेकुरा खाँदा पनि शरीर न्यानो बनाइ टाउको दुखाइको समस्या कम हुनसक्छ ।

टाउको मसाज

कपालको जरामा तेल लगाएर हल्का मसाज गर्दा ।।रक्तसंचार वृद्धि भै टाउको दुखाईको समस्याबाट छुटकारा मिल्छ ।