ग्रामीण महिलाको क्षमता वृद्धि लगायत वित्तीय कारोबारमा कर्णालीमै अव्वल बन्दै जुम्लाको चन्दननाथ बहुउद्देण्श्यीय सहकारी संस्था

साउन २७, जुम्ला । जुम्लाको चन्दननाथ बहुउद्देण्श्यीय सहकारी संस्था वित्तीय कारोबारमा कर्णालीकै अब्बल बन्दै गएको छ । ऋण लगानी, वित्तीय पहुँचमा वृद्धि, ग्रामीण महिलाको क्षमता वृद्धि, सामाजिक उत्तरदायित्वका क्षेत्रमा लगानीलगायतका वित्तीय कारोबारमा सहकारी अब्बल बन्दै गएको हो।

चन्दननाथ सहकारी स्थापना भएको हालसम्म ९४ करोड ९८ लाख ४७ हजार २ सय रुपैयाँ बराबरको कारोबार गरेको सहकारीका सदस्य सचिव ऋषिराम पाण्डेले बताए । सहकारीको वार्षिक प्रगति विवरण प्रस्तुत गर्दै सदस्य सचिव पोण्डले भने, “वित्तीय कारोबारका क्षेत्रमा कर्णालीमै हामी अब्बल छौं, सामाजिक क्षेत्रमा पनि उल्लेखनीय लगानी गरेर सबैको मन जितेका छौं ।

अझै सहकारीलाई ऐन कानुनअनुसार चुस्त बनाइने छ ।”गएको आर्थिक वर्ष सम्म चन्दननाथ सहकारीले ७९ लाख ७० हजार ९९७ रुपैयाँ आम्दानी गरेको छ भने, कुल खर्च ६ करोड ९४ लाख १८ हजार ७ सय रुपैयाँ भएको छ । खुद नाफा १ करोड ३० लाख २२ हजार भएको छ । सहकारी सञ्चालनमा हालसम्म २ करोड ८६ लाख ९९ हजार सेयर पुँजी लगानी भएको समेत सदस्य सचिव पाण्डेले जानकारी दिए ।