कोरोना भाइरस नेपाल: ४२१ सङ्क्रमित थपिँदा कुल सङ्ख्या नौ हजार नाघ्यो, थप एक जनाको मृत्यु

असार ७, काठमाडौँ । नेपालमा विगत २४ घण्टामा थप ४२१ जनामा कोरोनाभाइरस सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जानकारी दिएको छ।

योसँगै शनिवार अपराह्णसम्म देशभरि पुष्टि भएका सङ्क्रमितको कुल सङ्ख्या ९,०२६ पुगेको छ।

तीमध्ये १,७७२ ना निको भएका छन् भने २३ जनाको मृत्यु भएको छ।

विगत २४ घण्टामा कुल १९४ जना कोरोनाभाइरसमुक्त भएर अस्पतालबाट घर फर्किएको मन्त्रालयका प्रवक्ता डा। जागेश्वर देवकोटाले बताए।उनका अनुसार गुल्मीमा भारतबाट उपचार गराई फर्किएर होम क्वारन्टीनमा बसेका एक व्यक्तिको मृत्यु भएपछि परीक्षण गर्दा कोभिड(१९ पुष्टि भएको छ।

ती व्यक्ति जेठ २५ गते फर्किएको र उनको असार ५ गते निधन भएको डा। गौतमले बताए। उनको शव नेपाली सेनाको सहयोगमा व्यवस्थापन गरिसकिएको मन्त्रालयले जानकारी दिएको छ।अहिले फेला परेका सङ्क्रमित व्यक्तिहरू विभिन्न जिल्लाका हुन्।

असार ४ गते सर्वाधिक ६४१ जनामा कोरोनाभाइरस फेला परेको बताएको थियो।

अहिलेसम्म प्रदेश नं २ र ५ मा सर्वाधिक सङ्ख्यामा कोभिड(१९ भएका व्यक्ति भेटिएका छन्।के छ अरू तथ्याङ्करु
मन्त्रालयका अनुसार विगत २४ घण्टामा ६,००८ वटा नमुनाको पीसीआर विधिबाट परीक्षण गरिएको थियो।

यससँगै कोरोनाभाइरस सङ्क्रमण पुष्टि गर्न प्रयोग हुने उक्त परीक्षणको सङ्ख्या १,७५,१७३ पुगेको छ।अहिलेसम्म ७५ वटा जिल्लामा कोभिड(१९ पुगिसकेको पुष्टि भएको छ।

क्वारन्टीनमा भएका मानिसको परीक्षणमा तीव्रता दिइएकाले सङ्क्रमितको सङ्ख्या बढेको सरकारी अधिकारीहरूको भनाइ छ।

अहिले देशभरि ९४,९२८ जना क्वारन्टीनमा छन्। तीमध्ये अधिकांश भारतबाट फर्किएका हुन्।

सरकारको तथ्याङ्कअनुसार सुदूरपश्चिम प्रदेश, प्रदेश नं ५, कर्णाली प्रदेशमा र प्रदेश नं २ मा सर्वाधिक सङ्ख्यामा मानिसहरू क्वारन्टीनमा छन्।
बीबीसी