कोरोनाका बिरामीको मृत्युबाट दुःखी एक डाक्टरद्वारा आत्महत्या

बैशाख १८,काठमाण्डौ । अमेरीकाको न्युयोर्क सहरमा कोरोना संक्रमित बिरामीको उपचारमा संलग्न एक वरिष्ठ डाक्टरले आत्महत्या गरेकी छिन् । 

आत्महत्या गर्ने ४९ वर्षकी लोरेना ब्रीन न्युयोर्कको एलेन हस्पिटलको आपतकालिन विभागमा मेडिकल डाइरेक्टरको रुपमा कार्यरत थिइन् । कोरोना भाइरसको संक्रमणबाट अस्पतालमा भइरहेको बिरामीहरुको मृत्युबाट लोरेना दुखी र हैरान थिइन । 

उनले आफ्ना परिवारका सदस्यहरु संग आफ्नो यो हैरानी र दुुखको बारेमा बताएकी थिइन । प्रहरीका अनुुसार आत्महत्यापछि आइतबार लोरेनाको मृत्यु भएको थियो । 

लोरेनाका बुवा फिलीप ब्रीनले न्युयोर्क टाइम्सलाई भने “उनले आफ्नो काम गर्ने प्रयास गरेकि थिइन । त्यहि कामले उनको ज्यान लियो ।” 

अमेरीकामा कोरोनाबाट ५६ हजारभन्दा धेरैको मृत्यु भइसकेको छ । तर यीमध्ये अधिकांश मृत्यु न्युयोर्क सहरमा भएको छ । लोरेनाका बुुवाका अनुसार उनमा पहिलेदेखि कुनै पनि मानसिक समस्या थिएन । अस्पतालमा काम गर्ने क्रममा लोरेनालाई पनि कोरोना संक्रमण भएको थियो । तर १० दिनसम्म घरमा बसेर उनी पुुनः काममा फर्किएकी थिइन । तर, अस्पताल प्रशासनले उनलाई फेरी घर पठाइदिएको थियो । 

लोरेनाका बुबाले छोरीसँग अन्तिम पटकको कुुराकानीका क्रममा आफू सामान्य रहेको र एम्बुुलेन्सबाट निकाल्नु भन्दा पहिले नै मानिसहरुको मृत्यु भइरहेको बताएकी थिइन । लोरेना काम गर्ने अस्पतालमा कोरोनाबाट दर्जनौ मानिसहरुको मृत्यु भएको छ । 

लोरेनाबा बुवाले छोरीको तारिफ एउटा योद्धाको रुपमा हुुनुपर्ने बताएका छन् । रिपोर्टका अनुसार लोरेना आफ्नो काम र जिम्मेवारी प्रति सर्मपित डाक्टर थिइन र उनी आफ्नो परिवारसँग नजिक थिइन । उनलाई साल्सा र स्किइङ धेरै मन पर्ने गर्दथ्यो । उनी साताको एक दिन वृद्धाआश्रममा काम गर्न जाने गर्थिन ।