पुष १५, काठमाडौं। चितवनको भरतपुर महानगरपालिकाले महानगरपालिका भित्रका १५ वटा आधारभूत विद्यालयका १ हजार विद्यार्थीलाई न्यानो कपडा वितरण गरेको छ । ‘बालबालिकासँग मेयर’ कार्यक्रम अन्तर्गत गत वर्षदेखि भरतपुर महानगरपालिका भित्रका आधारभुत विद्यालयमा पढ्ने बिधार्थीलाई न्यानो कपडा बितरण कार्यक्रम सञ्चालन गर्दै आएको छ ।
जसमा यस वर्ष पनि १५ वटा आधारभुत विद्यालयमा अध्ययनरत एक हजार जना विद्यार्थीलाई बिहीबार एक समारोहका बीच न्यानो कपडा वितरण गरिएको महानगरपालिकाका प्रमुख रेणु दाहालले नेपाल प्रेसलाई जानकारी दिइन् ।
महानगरपालिकाको यस कार्यले सामुदायिक विद्यालयमा पढ्ने विपन्न समुदायका बालबालिकाको शिक्षामा निरन्तरता र सरकारी विद्यालयमा आकर्षण बढ्ने प्रमुख दाहालको अपेक्षा छ ।
चिसो बढेसँगै भरतपुर महानगरपालिकाले साना विद्यार्थीलाई मध्यनगर गर्दै न्यानो कपडा वितरण गरिएको हो । भरतपुर महानगरपालिका प्रमुख रेनु दाहालले बिहीबार भरतपुर-२८ मा रहेको आधारभूत विद्यालय सिसाबासबाट ‘मेयरसँग बालबालिका’ कार्यक्रम अन्तर्गत पहिलो चरणको न्यानो कपडा वितरणको थालनी गरेकी हुन् ।
भरतपुरको शिक्षालाई थप गुणस्तरीय बनाउने उदेश्यसहित विद्यालयमा विभिन्न कार्यक्रम सञ्चालन गर्दै आएको छ । चिसोका कारण विद्यालय जान रोकिन नपरोस् भनेर कक्षा १ देखि ५ सम्मका विद्यार्थीलाई न्यानो कपडा वितरण गर्ने कार्यक्रम विगतको कार्यकालदेखि नै सञ्चालन गर्दै आइरहेको प्रमुख दाहालले बताइन् ।
यस्तै, भरतपुरका सामुदायिक विद्यालयमा मेयरसँग छात्रा कार्यक्रमअन्तर्गत साईकल वितरण, विद्यालयलाई बस हस्तान्तरण जस्ता कार्यक्रमले निरन्तरता पाउने उनको भनाइ छ ।