कार्तिक ३,काठमाडौं । राष्ट्रपतिबाट ३ महिना कैद छुट पाएर छुटेका रुकुम पश्चिमको सानीभेरी गाउँपालिका–९ घर भएका लोकबहादुर बिक उर्फ लोकेन्द्रलाई प्रेमिका’को हत्या आरोपमा पक्राउ गरिएको रुकुम पश्चिमका डिएसपी नमराज भट्टराईले बताए्।
मुसीकोट–७ साँखक घर भएकी २७ वर्षीया भावना विकको लोकन्द्रले हत्या गरेका हुन् । संविधान दिवसका अवसरमा राष्ट्रपतिबाट कैद माफी पाएका उनले भावनाको हत्या गरेको स्विकार गरेका छन् । असोज ३० मा मुसिकोट नगरपालिका–१ त्रिवेणीचोकको सत्कार होटलमा भावनाको शव फेला परेको थियो । अनुसन्धान गर्दै जाँदा ३३ वर्षीय लोकेन्द्र र भावना प्रेम सम्बन्धमा थिए । भावनाले आफूलाई विवाह गर्न ‘दवाव’ दिएपछिलोकबहादुरले हत्या गरेको खुलेको डिएसपी भट्टराईले बताए ।
भावनाले ‘विवाह गर्नुपर्छ’ भनेर दवाव दिएपछि शुरुमा आफुले छातिमा प्रहार गरेको र त्यसपछि होटलको कोठामा भेटिएको चक्कुले घाँटीमा काटेर हत्या गरेको प्रहरीलाई बयान दिएका छन् ।
हत्यामा नयाँ चक्कु प्रयोग भएको भेटिएको डिएसपी भट्टराईले बताए । उनी भन्छन्–‘हत्या योजनाबद्ध देखिन्छ ।’ लोकेन्द्र खलंगा स्थित आफ्नै डेराबाट पक्राउ परेका हुन् ।
बहुविवाहमा एकपटक मुद्दा झेलेर निस्केको हुनाले भावनासँग विवाह गर्दा समस्या पर्ने भएकोले हत्या गरेको उनले बयान दिएका छन् ।