अनुमतिबिना फोटो खिचेको भन्दै बलिउड अभिनेत्री आलियाको आक्रोस

फागुन १०, काठमाडौं । बलिउड अभिनेत्री आलिया भट्ट आफ्नो फोटो बिना अनुमति खिचेको र पोस्ट गरेको भन्दै रिसाएकी छन्।

भारतीय सञ्चारमाध्यम इटाइम्सले उनी घरमा बसिरहेको बेला तस्बिर खिचेर पोस्ट गरेको थियो।

आलियाले इन्स्टाग्राम अकाउन्टमार्फत उक्त जानकारी दिएकी हुन्।

ुके सच्ची म आफ्नो घरमा थिएँ। म लिभिङ रूममा बसिरहेको थिएँ। त्यतिबेला मलाई कसैले हेरिरहेको छ जस्तो लाग्यो। मैले माथि हेर्दा अगाडि घरको छतमा दुई जना क्यामेरा लिएर बसेको देखेँ। कुन दुनियाँमा यस्तो कामलाई सही भनिन्छ र यस्तो हरकतलाई अनुमति दिइन्छरु हरेक कुराको एउटा सीमा हुन्छ, जसलाई तपाईंहरूले पार गर्न हुँदैन। तर आज तपाईहरूले सबै सीमा पार गर्नु भयो,’ उनले इन्स्टाग्राम स्टोरीमा लेखेकी छन्। 

उनको समर्थनमा बलिउड अभिनेत्री अनुष्का शर्मा, करण जोहर, अर्जुन कपूर, जाह्नवी कपूर देखिएका छन्।

हालै आलियाले छोरी राहालाई जन्म दिएकी छन्। आमा बनेपछि उनी घरमै बसिरहेकी छन्। उनी पछिल्लो समय फिल्म ‘ब्रह्मास्त्र’ मा देखिएकी थिइन्। 

फिल्म निर्माता परिवारकी सन्तानका रूपमा बेलाबेला विभिन्न आलोचना खेपे पनि उनले आफ्नो अभिनयबाट आफूलाई अब्बल सावित गरिसकेकी छन्। 

'स्टुडेन्ट अफ द इयरु बाट बलिउड फिल्मको मुख्य भूमिकामा देखा परेकी आलियाले यसपछि राम्रा फिल्ममा आफ्नो दमदार प्रस्तुती दिइन्। 

उनले 'आरआरआर, राजी, गंगुबाई काठियावाडी, डियर जिन्दगी, गल्ली ब्वाइ, कंलकु लगायत थुप्रै फिल्ममा अभिनय गरेकी छन्।

आलिया अब करण जोहरको 'रकी और रानी की प्रेम कहानीु मा देखिनेछन्।