हुलाकलाई पुर्नसंरचना गरिदैछ - सञ्चारमन्त्री रेखा शर्मा

फागुन १,  दाङ । सञ्चार तथा सूचना प्रविधिमन्त्री रेखा शर्माले नेपालको हुलाक सेवाको संरचना परिवर्तन हुने बताएकी छन् ।

नेपाल पत्रकार महासंघ दाङ सहित विभिन्न सञ्चार संगठनले संयुक्त रुपमा आयोजना गरेको स्वागत तथा बधाई कार्यक्रममा बोल्दै मन्त्री शर्माले हुलाकको संरचनालाई अपग्रेड गर्दै थप प्रभावकारी बनाउन लागेको बताइन्। उनले हुलाक सेवाको पुनस्र्संरचना गर्न लागिएको बताइन्।   

‘सूचना प्रविधिले फड्को मारिरहेको बेला थुप्रै परम्परागत संरचनालाई सुधार गर्न जरुरी छ’ उनले भनिन्, ‘त्यसका लागि हुलाकलाई पुनर्संरचना गरिदैछ । त्यसको ड्राफ्ट तयार भइसकेको छ ।’