संसारमै पहिलो पटक नेपाली इन्जिनियरको टोलीले बनाए हाते पम्प

मंसिर ७,काठमाडौं । नेपालका मेकानिकल इन्जिनियहरुको टोलीले हातले चलाउन सक्ने सेफ्टी ट्यांकी सफा गर्ने हाते पम्प ९ग्लुपर प्रोजेक्ट० को विकास गरेका छन् ।

ग्रामीण भेगका लागि काम लाग्ने डिजेल पेट्रोल केहि पनि नचाहिने हातैले चलाउने सेफ्टी ट्ंयाकी सफा गर्ने हाते पम्पको विकास गरिएको हो । टोलीमा सहभागी मेकानिकल इन्जिनियरहरुका अनुसार यस्तो मेशिनको विकास भएको यो नै संसारकै पहिलो हुनसक्छ । किनकि यस्ता मेशिन विकसित देशका लागि आवश्यक नै छैन ।

प्रा सावित्री त्रिपाठी, डा अरुण सत्याल, प्रकाश बस्याल र अनिल सापकोटा गरी चार जना मेकानिकल इन्जिनियरहरुको समूहले उक्त मेशिनको विकास गरेका हुन् । उनीहरु सबैजना नेपाल इन्जिनियरिङ कलेज (नेक) दुवाकोट,भक्तपुरका मेकानिकल इन्जिनियरिङका एशोसियट प्रोफेसर इन्जिनियरहरु हुन् ।

समूहका एकजना डा अरुण सत्यालले यसको सफल परीक्षण हुन भने बाँंकी रहेको बताए । चारजना मेकानिलक इन्जिनियरहरुको महिनौंको प्रयासपछि यो पम्पको विकास भएको पनि उनले बताए । 

ब्राउन गोल्ड प्रोजेक्ट अन्तर्गतको आर्थिक सहयोगमा गुल्पर प्राजेक्टको रुपमा यो काम भएको हो । यो मेशिन सामान्य कवाडी सामानबाट बनाइएको छ । मेशिनमा फलाम, डोरी, पुराना काम नलाग्ने टायरलगायतका सामानहरु प्रयोग गरिएका छन् ।

यसको सफल प्रयोग हुन सके देशका धेरै ग्रामीण भेगका जनतालाई सहयोग गर्ने विश्वास गरिएको छ । यो झण्डै तीन फिट अग्लो, दुईरदुई फिट जति लम्वाई चौडाइको छ । 

नेकका कार्यबाहक प्राचार्य दुर्गाप्रसाद भण्डारीले समाजको हितमा गुणस्तरीय इन्जिनियर र प्रबन्धक उत्पादन गर्न प्राविधिक शिक्षा, अनुसन्धान र नवप्रवर्तनमा लगानी आवश्यक रहेको बताए ।

उनले अनुसन्धान र आविष्कारका लागि विभिन्न राष्ट्रिय र अन्तरराष्ट्रिय संस्थानहरूसँग सहकार्य गर्दै आएको पनि बताए ।