लैङिक हिंसा बिरुद्धको १६ दिने अभियानमा सामुदायिक वन उपभोक्ता महासंघ नेपाल निरन्तर आवज उठाउँदै

मंसिर १४, काठमाडौैं । सामुदायीक वन उपभोक्ता महासंघ नेपाल (फेकोफन)ले लैङिक हिंसा बिरुद्धको १६ दिने अभियान अन्तर्गत आज छैटौं दिन हिंसा मुक्त समाज निर्माणको लागि चेतनामुलक-याली आयोजना गरेको छ । 

माइतिघर मण्डलामा गरिएको स्ट्यान्ड अप -यालीमार्फत महिला हिंसा बिरुद्ध लेखिएका चेतनामुलक प्लेकार्ड बोकेर महिलाहरुले आवाज उठाएका छन् । सामुदायीक वन महिलाहरुसँग जोडिएको महत्वपूर्ण पाटो भएको र  वनका कारण महिलामाथि हुने हिंसा तथा असमानतालाई राष्टिय निकुञ्ज ऐनलाई परिवर्तन गरि महिलामैत्री बनाइनुपर्ने कुरालाई कार्यक्रममा जोड दिएको सामुदायीक वन उपभोक्ता महासंघ नेपाल फेकोफनकी अध्यक्ष भारती पाठकले जानकारी दिएकी छन् ।  

यस्तै, फेकोफनले आजै विहान सामुदायीक रेडियो  सीआईएन, एकोराब लागायत १० विज्ञहरुसँग गरेको अन्र्तक्रियामा सरकार र आमनागरिकले महिलासँग जोडिएका हिंसाबाट पीडितलाई कसरी मुक्त गर्ने भन्ने विषयमा पनि विशेष छलफल गरेको छ । नेपालमा समुदाय र सामुदायीक वन  एक अर्काका परिपुरक जस्तै हुन् तर महिलाहरु नै सबैभन्दा बढी वनसँग जोडिएका कारण उनीहरुमाथि हिंसा पनि बढी हुने गरेको तथ्यांक पाइएकाले सामुदायीक वन उपभोक्ता महासंघ नेपाल (फेकोफन)ले हरेक वर्ष  यसैगरी महिला हिंसाका विषयमा आवज उठाउँदै आइरहेको छ ।

यस्तै, सामुदायीक वन उपभोक्ता महासंघ नेपालले हिजो मंसिर १३ गते पांचौं दिन पनि राष्ट्रिय संकल्प कार्यक्रम अयोजना गरेको थियो । यस वर्षको लैङिक हिंसा बिरुद्धको १६ दिने कार्यक्रममा “सभ्य समाजको पहिचान" लैङ्गिक हिंसा विरुद्धको अभियान" नारा सहित मंसिर ९ देखि २४ सम्म फेकोफनले विभिन्न कार्यक्रम मार्फत सचेतना जगाइरहेको छ ।