फागुन १०, काठमाडौं । राष्ट्रपति विद्यादेवी भण्डारी र गण्डकी प्रदेशका मुख्यमन्त्री खगराज अधिकारीबीच भेटघाट भएको छ।
पोखरा क्षेत्रीय अन्तर्राष्ट्रिय विमानस्थलमा बुधबार भएको भेटमा उनीहरूबीच विमानस्थलबाट तत्काल अन्तर्राष्ट्रिय उडानका लागि आवश्यक पहलका विषयमा छलफल भएको थियो।
भेटमा राष्ट्रिय सभाका अध्यक्ष गणेशप्रसाद तिमिल्सिना, मुख्यसचिव शङ्कर दास वैरागी, राष्ट्रपति कार्यलयका सचिव यादव प्रसाद कोइराला, गण्डकी प्रदेश सरकारका प्रमुख सचिव रविलाल पन्थ समेत सहभागी थिए।