बालगृहकै बालबालिका असुरक्षित

जेठ २८,काठमाडौं । दोलखा सदरमुकाम नजिकै रहेको गौशंकर बालगृहको व्यवस्थापनमा सरोकारवाला निकायले चासो नदिँदा समस्या देखिएको छ। विभिन्न कारणले अभिभावकविहीन भएका बालबालिकालाई आश्रय दिन बनेको गौरीशंकर बालगृहमा रहेका बालबालिकालाई उचित स्याहारसुसार र पालनपोषण गर्न नसक्दा समस्या भएको हो ।
२०७२ सालको भूकम्पले चिराचिरा पारेको भवनको चिसो भुइँमा रात काट्न बाध्य छन् यहाँका बालकहरु। बालबालिकाका लागि न्यानो कपडा, ओड्ने ओछ्याउनेलगायतका सामग्री उपलब्ध गराउन सरकारले कुनै चासो देखाउको छैन । बालगृहमा दोलखा ,रामेछाप,हुम्ला नुवाकोटलगायतका जिल्लाका २१ जना अभिभावकविहीन यहाँ रहेका छन् ।
 

चिरा परेको जीर्ण भवनमा जेखिम मोलेर बस्नु परेको कारण र असुरक्षित कारण थप बालक राखिएको छैन ।  यति मात्र होइन खानेपानी र शौचालयको पनि  समस्या छ ,भौतिक व्यवस्थापनमा पनि समस्या छ ।
 

कार्यलय  सहयोगी ,भान्से र बालगृह प्रमुख गरी हाल बालगृहमा ३ जना कर्मचारी छन् ।गत ५ महिनादेखि उनिहरुले तलब पाएका  छैनन् ।बालगृहमा रहेका बालकहरु महेन्द्रदय मावि माटिमा जान्छन् ।
७ बर्षदेखि बालगृहमा बस्दै आएका कुसल महेन्द्रदय माविमा जान्छन् । '७ बजे खाना खाएर स्कुल जानुपर्छ ,दिउसो भोकले पढेको बुझिँदैन। बेलुका आउँदा भोकले हिँड्न गाह्रो हुन्छ भने' ।