चैत २१ काठमाडौं । दाङमा बलात्कार आरोपमा एक युवक पक्राउ परेका छन्।
पक्राउ पर्नेमा सल्यानको शारदा नगरपालिका –७ घर भई हाल दाङको तुलसीपुर उपमहानगरपालिका– ५ बसपार्क बस्ने २२ वर्षीय अर्जुन थापा छन्।
एक जना १६ बर्षीया बालिकालाई ललाई फकाई ‘होटेल गेष्ट हाउसमा’ पुर्याएर बलात्कार गरेको अभियोगमा थापा पक्राउ परेका हुन्।
चैत १९ गते राति ९ बजेतिर ती बालिकामाथि बलात्कार पछि थापा होटेलबाट भागेका थिए। पीडितको जाहेरीका आधारमा आरोपित थापाको खोजी सुरु भएको थियो।
दाङबाट भागेर सल्यानको शारदा नगरपालिका – ७ कुरलमा लुकिछिपी बसेको अवस्थामा थापालाई पक्राउ गरिएको थियो।
इलाका प्रहरी कार्यालय तुलसीपुरका प्रहरी प्रबक्ता प्रहरी निरीक्षक सुर्य राना मगरले घटनाबारे थप अनुसन्धान हुने बताए।