मंसिर १, काठमाडौं । मोरङको पथरीशनिश्चरेमा पिठारीको रुखबाट लडेर कल्पना श्रेष्ठको मृत्यु भएको छ ।
पथरीशनिश्चरे नगरपालिका–५ शान्ति टोलकी अन्दाजी ३६ वर्षीया महिला पिठारीको रुखमा चढेर घाँस काट्ने क्रममा त्यहाँबाट खसेर उनी घाइते भएकी थिइन् । रुखबाट खसेर बिहीबार बिहान ८:३० बजेतिर घाइते भएकी कल्पनालाई उपचारका लागि विराटनगरको आर्या न्यूरो अस्पताल ल्याइएको थियो ।
उनको उपचारकै क्रममा शुक्रबार दिउँसो १ : १० बजेतिर मृत्यु भएको मोरङ प्रहरीका प्रवक्ता डीएसपी रन्जनकुमार दाहालले बताए ।