नर्सको लापरबाही : सबै बिरामीलाई एउटै सिरिन्ज प्रयोग गर्दा एकको मृत्यु २५ गम्भीर

भदौ १२, मध्यप्रदेश, भारत,   (रासस/एएनआई) ।  सिरिन्जको प्रयोगमा लापरबाही गरेका कारण भारतको मध्यप्रदेश अन्तर्गत दातीया जिल्लामा एक जनाको मृत्यु भएको छ भने २५ जना अन्य बिरामी गम्भीर बनेका छन् । 

सिरिन्जको प्रयोगमा नर्सबाट भएको लापरबाहीका कारण उक्त घटना हुन पुगेको एएनआईसँग कुरा गर्दै अस्पतालका चिकित्सक तथा सिभिल सर्जन पिके शर्माले बताउनुभयो । 

शर्माले भन्नुभयो, “सबै बिरामीलाई एउटै सिरिन्जमार्फत औषधी दिइएको भन्ने आएको छ । यो नर्सबाट भएको लापरबाही हो । उनीहरूले सिरिन्ज सफा गर्न पनि ‘डिस्टिल वाटर’को सट्टामा सामान्य पानीको प्रयोग गरेको भन्ने पनि भनाई छ ।” 

प्रहरीले यस बिषयमा छानविनका लागि समिति गठन गरी अनुसन्धान थालेको छ । हामीले अस्पतालमा प्रयोग हुने गलत सिरिन्जको प्रयोग भएको भन्ने गुनासो पाएका छौँ । यस सन्दर्भमा स्वास्थ्य समितिको प्रतिवेदन पर्खिएको छ । छानविन शुरु गरिएको छ।