मंसिर २२, काठमाडौं । बैतडीमा दुई महिनादेखि बेपत्ता युवती मृत अवस्थामा फेला परेकी छन् ।
सुर्नया गाउँपालिका-८ की २० वर्षीया कल्पना महराअसोज २५ गतेदेखि बेपत्ता महराको शव स्थानीय कैलपाल सामुदायिक वनमा मृत अवस्थामा भेटिएको बैतडीका प्रमुख प्रहरी नायब उपरीक्षक(डीएसपी)दिपक गिरीले बताए ।
उनका अनुसार रुखमा झुण्डिएको अवस्थामा भेटिएकी महराको कंकाल फेला परेको हो ।महराका परिवारले लुगाका आधारमा उनको पहिचान गरेको छ ।
महरा घरबाट गोठालो गएका बेला असोजमा हराएकी थिइन् । मृतकको शव परीक्षणपछि आफन्तको जिम्मा लगाइएको प्रहरीले जनाएको छ ।