Advertisement
Advertisement
Advertisement
Advertisement

टर्कीमा १७८ घण्टापछि भग्नावशेषमा फसेकी बालिकाको उद्धार

  |      16:24:00   |  
web image
web image

फागुन २, काठमाडौं । विनाशकारी भूकम्प गएको एक सातापछि दक्षिणी टर्कीमा एउटा भवनको भग्नावशेषबाट एक व्यक्तिलाई जीवितै उद्धार गरिएको छ।

 

मिरे नामकी ती बालिका भूकम्प गएको १७८ घण्टापछि भग्नावशेषमा फेला परेकी छन्।

 

एउटा भिडिओमा उनलाई अँध्यारोबाट बाहिर निकाल्दै गर्दा उद्धारकर्मीहरूले हर्षोल्लास गरिरहेको र 'ईश्वर महान् छन्' भनेर चिच्याइरहेको देखिन्छ।

 

सोमवार नै भग्नावशेषमा १८२ घण्टासम्म फसेका अर्का एक १३ वर्षीय बालकसहित केहीलाई जीवितै उद्धार गरिएको थियो।
मृतकको सङ्ख्या झन्डै ४०,००० पुगेका बेला जीवितै उद्धार गर्ने कुरा दुर्लभ बन्दै गइरहेको छ।

 

शरीरलाई पानी अत्यावश्यक हुने भएकाले पानीबिना मानिस कति समयसम्म टिक्न सक्छ भन्ने कुरा महत्त्वपूर्ण हुन्छ।

 

त्यस्तै भग्नावशेषमा फस्दा व्यक्तिले सास फेर्ने ठाउँ कति छ र कस्तो खालको चोटपटक लागेको छ भन्ने कुरामा पनि ती मानिसहरू जीवित रहने वा नरहने निर्भर हुने आपत्कालीन उपचारमा संलग्न एक विशेषज्ञले बीबीसीलाई बताए।

 

प्राध्यापक टोनी रेडमन्डले टर्की र सिरियाको चिसो तापक्रम मानिसको जीवित रहने सम्भावनाका लागि “दुई धारको तरबार” बराबर भएको बताउँछन्।

 

उनका अनुसार धेरै चिसोमा रक्तनलीहरू सङ्कुचित हुन्छन्। त्यसले गर्दा चोटपटक लागेर पनि केही लामो समयसम्म मानिस जीवित रहन सक्छन्।

तर धेरै चिसो हुनु मानव शरीरका लागि हानिकारक मानिन्छ।

 

मृतकको सङ्ख्या अझ बढ्न सक्ने
टर्की र सिरियामा भूकम्पका कारण मृत्यु हुनेको सङ्ख्या नाटकीय रूपमा बढ्ने अपेक्षा गरिएको छ।

 

संयुक्त राष्ट्रसङ्घका सहायता मानवीय सहायतासम्बन्धी प्रमुखले त्यहाँ मृतकको सङ्ख्या दोबर हुनसक्ने आशङ्का व्यक्त गरेका छन्।

 

आडियामान सहरबाट उद्धार गरिएकी ती बालिकालाई स्ट्रेचरमा राखिएको थियो र उद्धारकर्मीले उनलाई लिएर गएका थिए।

स्थानीय सञ्चारमाध्यमले जनाएअनुसार उद्धारकर्मीहरू उनकी दिदीलाई पनि फेला पार्ने आशामा थिए।

 

लामो समयपछि जीवितै उद्धार
भूकम्पबाट अतिप्रभावित हाटाई प्रान्तमा कान नामक १३ वर्षीय बालकलाई भग्नावशेषमा फसेको १८२ घण्टापछि उद्धार गरिएको थियो।

 

त्यस्तै नाइड उमाय नामक महिलालाई १७५ घण्टापछि जीवितै भेटियो।

काहरामान्मारश सहरमा उद्धारकर्ताहरूले भग्नावशेषमा पुरिएका तर जीवितै रहेका हजुरआमा, आमा र बच्चासँग सम्पर्क गरेका थिए र उनीहरूसम्म पुग्न काम गरिरहेका थिए।

 

उक्त क्षेत्रमा कोइला खानीमा काम गर्नेहरू र थर्मल क्यामरा तथा तालिमप्राप्त कुकुरहरू प्रयोग गर्ने विज्ञ सम्मिलित सयौँ टोलीले भग्नावशेषमा पुरिएर पनि बाँचेका मानिसको खोजी जारी राखेका छन्।

 

तर जीवित व्यक्ति फेला पर्ने आशा घट्दै गएको छ र उद्धार अभियान चाँडै सकिने ठानिएको छ।

 

राहतमा केन्द्रित
अधिकारीहरू अब राहत र पुनर्स्थापनामा केन्द्रित हुँदै गएका छन्।

ठूलो सङ्ख्यामा मानिसहरूको ज्यान जानेगरी भएको उक्त प्राकृतिक विपत्ति मानवीय कारणले अझ बढेको हो कि होइन भन्ने प्रश्न उत्पन्न भएको छ।


टर्कीका राष्ट्रपति रेजेप तय्यीप एर्दोआनले गत साता भूकम्प प्रभावित क्षेत्रको भ्रमणका क्रममा समयमै उद्धार गर्न नसेको स्वीकारेका थिए। तर उनले भाग्यलाई दोष दिए।

 

अधिकारीहरूले भूकम्पले भत्किएका भवनहरूको निर्माणका मामिलामा ११३ वटा पक्राउपुर्जी जारी गरिएको र ठेकेदारसहित १२ जनालाई हिरासतमा लिइएको बताएका छन्।

 

स्रोत- बिबिसी 


Share this with your friends:


Advertisement
Advertisement
थप खबर...

प्रत्येक महिला पुरुषभन्दा कमजोर छैनन् : कमला भासिन

1505200545Kamala-bhasinsiTZu8Z9Mj.jpg नरेश ज्ञवाली ► भदौ २७, काठमाडौं।  दक्षिण एसियामा लैङ्गिक समानता, शिक्षा, गरिबी निवारण, मानवअधिकार र शान्तिका...

पुरुष कलमले पूर्ण नारीलाई लेख्न सक्दैन

1488688911annapurna-post.jpg काठमाडौं। मान्छेहरू कडा भएर बोलेको भन्दा नरम भएर बोलेको मनपर्छ । खरा कुराभन्दा नरम, सरस र सलिल कुराहरू मनपर्छ । तर...

कालो तिलले कम्मर दुखेको र अनुहारमा भएको पोतोको उपचार गर्छ

1479567052black-sesame-seed.jpg काठमाडौं । कालो तिल अथवा तिलबाट प्राप्त हुने बिऊ तेल उत्पादनको लागि प्रयोग गरिन्छ । अनुहारमा चायाँ, पोतो वा दाग,...

उमेर अनुसारको हुनुपर्छ खान्की, अनि मात्र मानिस स्वस्थ रहन्छ

1479121715High-protein-foods-555x335.jpg काठमाडौं। पोषणको आवश्यकता उमेरअनुसार परिवर्तन हुन्छ । उमेरको हरेक अवस्थामा स्वयंलाई स्वस्थ राख्न शरीरलाई...

यी भोजन खाए छाला सुन्दर हुन्छ !

1490268754IMG4830.JPG काठमाडौं। स्ट्रबेरी : यो भिटामिन सीले भरपुर हुन्छ । भिटामन सीले छालालाई चाउरीबाट जोगाएर सधैं जवान राख्न मद्दत...

दुबईमा पहिलो पटक नेपाली कल्चरल पहिरनको फेसन शो सम्पन्न

14869899431673513412092883957875661114576594o.jpg काठमाडौं। गत माघ २८ गते दुबईमा नेपाली कल्चरल पहिरनको फेसन शो पहिलो पटक फेसन फ्युजन २०१७ सम्पन्न भयो । एनआरएन...

मुलुकका सम्मानित पदमा महिलाको उपस्थिति, सबैका लागि आशाको ढोका उघारे

1488014428nepali-great-ladies.jpg काठमाडौं। अहिले नेपालका तीनवटै अंगका प्रमुख महिला भएकाले नेपाली राजनीतिक क्षेत्रमा मात्र नभएर सामाजिक...

लोग्नेमान्छेको जात केटी देखेपछि.....

1486611119images.jpg काठमाडौं । शान्ताको विवाह भएको पाँच वर्ष बितिसक्दा पनि छोराछोरी भएनन् बरु उनलाई एकाएक ब्लड क्यान्सर भयो । समयले...

महिलाको दोस्रो विवाहको कुरा सुन्दा पढेलेखेकैले अनुहार बिगार्छन्

1482639321yakal--mahila.jpg काठमाडौं। दोस्रो विवाहबारे मैले नसोचेको, नचाहेको होइन । तर, म मेरा आत्मीयसँग फेरि विवाह गर्नेबारे कुरा गर्छु,...

मनोसामाजिक समस्या के हो?

1532684479sumitra-vaauju.jpg साउन ११, काठमाडौं । मनोसामाजिक समस्या भन्नाले मन र समाज वीच हुने समस्या हो । यो जो कोही व्यक्तिलाई पनि हुन सक्छ ।...

Advertisement
Advertisement
Advertisement
Advertisement
Advertisement
Advertisement