झापाको भद्रपुरमा पृथ्वीनगरमा श्रीमान् श्रीमती मृत फेला

मंसिर ७, काठमाडौं । झापाको भद्रपुर नगरपालिका–१ पृथ्वीनगरमा श्रीमान् श्रीमती मृत फेला परेका छन् । श्रीमान् ३६ वर्षीय सुवास लिम्बू घर नजिकैको रुखमा र उनकी श्रीमती ३५ वर्षीया जुनिता लिम्बू घरभित्र झुन्डिएको अबस्थामा फेला परेको जिल्ला प्रहरी कार्यालय झापाले बताएको छ । 

श्रीमती जुनितालाई हत्या गरी सुवासले आत्महत्या गरेको हुनसक्ने जिल्ला प्रहरी कार्यालयका प्रवक्ता डीएसपी खगेन्द्रप्रसाद रिजालले जानकारी दिए  । 

सुवासले लेखेको सुसाइड नोटसमेत फेला परेको र  श्रीमतीको हत्यापछि आफूले आत्महत्या गरेको कुरा सुवासले त्यहाँ उल्लेख गरेको जनाइएको छ ।

दुवैजनाले मादक पदार्थ सेवन गरी राति झैझगडा गरेका थिए । सुवासका दाजुलगायतले राति ११ बजे घरमा उनीहरुको झगडा मिलाएका थिए ।त्यसपछि सो घटना भएको हुनसक्ने प्रहरीको अनुमान छ ।  यि दम्पत्तिका तीनजना नाबालक छोराछोरी रहेका छन् ।