झरिका कारण थन्क्याएर राखिएका बाक्ला ज्याकेट, स्वेटर झिकेर मानिसहरुले फेरि लगाउन थाले
बैशाख २१, काठमाडौं । जाडोयाम सकिएसँगै कतिपय सर्वसाधारणले थन्क्याएर राखिएका बाक्ला ज्याकेट, स्वेटर झिकेर फेरि लगाउन थालेका छन् । गर्मी हुने वैशाखको मध्य समयमा पनि मौसममा आएको परिवर्तनले चिसो महसुस गराएको छ ।
अरब सागरबाट आएको जलवाष्पयुक्त बायु र स्थानीय बायुको प्रभावका कारण विगत ३ दिनदेखि देशैभर हल्कादेखि मध्यमस्तरको वर्षा भइरहेको छ । वर्षासँगै तापक्रममा पनि फेरबदल भएको हो ।
जल तथा मौसम पूर्वानुमान शाखाका अनुसार बिहीबार बिहान काठमाडौँमा ६ दशमलव ६ मिलिमिटर वर्षा भएको छ । सोही समयमा काठमाडौँको न्यूनतम तापक्रम १४ दशमलव ५ डिग्री सेल्सियस र अधिकतम तापक्रम २५ दशमलव ८ डिग्री सेल्सियस मापन भएको थियो ।
वर्षा हुनुअघिका दिनमा काठमाडौँको अधिकतम तापक्रम ३० डिग्री सेल्सियससम्म पुगेको जल तथा मौसम पूर्वानुमान शाखाका मौसमविद गोविन्द कुमार झाले रातोपाटीलाई जानकारी दिए ।
यस्तै भैरहवामा यति बेला अधिकतम तापक्रम ३४ दशमलव ६ डिग्री सेल्सियस र न्यूनतम तापक्रम २२ डिग्री सेल्सियस रहेको छ । वर्षा हुनुअघि भैरहवामा अधिकतम तापक्रम ४० डिग्रीसम्म पुगेको थियो ।
मौसम पूर्वानुमान शाखाका अनुसार वर्षापछि तापक्रम ५ डिग्री सेल्सियससम्म घटेको छ । जल तथा मौसम विज्ञान विभागकी वरिष्ठ मौसमविद् इन्दिरा कँडेलले अरेवियन सागरबाट आउने जलवाष्प माथिल्लो उचाइ हुँदै नेपाल प्रवेश गरेका कारण तापक्रम घटेर बढी चिसो महसुस भएको रातोपाटीलाई जानकारी दिइन् ।
उनले भनिन्, ‘पानी परेको बेलामा बढी चिसो हुनुको कारण पानी पार्ने प्रणाली कताबाट कसरी आएको छ भन्ने कुरामा निर्भर हुने गर्दछ । अहिले आएको पानी प्रणाली पश्चिमतिरबाट हिमाली भाग हुँदै आएकोले अहिलेको वर्षा अलि बढी चिसो भएको हो । तर वर्षा भएको बेला अरु बेलापनि तापक्रम त घट्छ नै । यो पटक भने अलि चिसो बढेको छ ।’
बिहान ८ बजेसम्मको वर्षा मापन अनुसार सबैभन्दा धेरै वीरेन्द्रनगर सुर्खेतमा १४ दशमलव ६ मिलिमिटर पानी परेको छ । यस्तै पोखरामा १३ दशमलव ८ मिलिमिटर, जुम्लामा ७ दशमलव १ मिलिमिटर, काठमाडौँमा ६ दशमलव ६ मिलिमिटर वर्षा भएको छ ।
यस्तै सबैभन्दा कम न्यूनतम तापक्रम जुम्लामा ७ दशमलव २ डिग्री सेल्सियस, डडेलधुरामा ९ दशमलव ९ डिग्री सेल्सियस मामपन गरिएको छ । यसै गरी ताप्लेजुङमा १२ दशमलव ४ डिग्री सेल्सियस तापक्रम मापन गरिएको छ ।
जल तथा मौसम पूर्वानुमान शाखाका अनुसार शुक्रवारदेखि मौसममा सामान्य सुधार हुनेछ । यद्यपि शुक्रवार र शनिवारसम्म देशको पहाडी भू–भागमा आंशिक बदली रहने र केही बाँकी भू–भागमा मौसम सामान्यतया सफा रहने छ । देशका पहाडी भू–भागका थोरै स्थानमा मेघ गर्जन र चट्याङ्ग सहित क्षणिक वा हल्का वर्षाको सम्भावना रहेको पनि शाखा जनाएको छ ।
- रातोपाटी
नरेश ज्ञवाली ►
भदौ २७, काठमाडौं। दक्षिण एसियामा लैङ्गिक समानता, शिक्षा, गरिबी निवारण, मानवअधिकार र शान्तिका...
काठमाडौं। मान्छेहरू कडा भएर बोलेको भन्दा नरम भएर बोलेको मनपर्छ । खरा कुराभन्दा नरम, सरस र सलिल कुराहरू मनपर्छ । तर...
काठमाडौं । कालो तिल अथवा तिलबाट प्राप्त हुने बिऊ तेल उत्पादनको लागि प्रयोग गरिन्छ । अनुहारमा चायाँ, पोतो वा दाग,...
काठमाडौं। गत माघ २८ गते दुबईमा नेपाली कल्चरल पहिरनको फेसन शो पहिलो पटक फेसन फ्युजन २०१७ सम्पन्न भयो । एनआरएन...
काठमाडौं। पोषणको आवश्यकता उमेरअनुसार परिवर्तन हुन्छ । उमेरको हरेक अवस्थामा स्वयंलाई स्वस्थ राख्न शरीरलाई...
काठमाडौं। स्ट्रबेरी : यो भिटामिन सीले भरपुर हुन्छ । भिटामन सीले छालालाई चाउरीबाट जोगाएर सधैं जवान राख्न मद्दत...
काठमाडौं। अहिले नेपालका तीनवटै अंगका प्रमुख महिला भएकाले नेपाली राजनीतिक क्षेत्रमा मात्र नभएर सामाजिक...
काठमाडौं । शान्ताको विवाह भएको पाँच वर्ष बितिसक्दा पनि छोराछोरी भएनन् बरु उनलाई एकाएक ब्लड क्यान्सर भयो । समयले...
साउन ११, काठमाडौं । मनोसामाजिक समस्या भन्नाले मन र समाज वीच हुने समस्या हो । यो जो कोही व्यक्तिलाई पनि हुन सक्छ ।...
काठमाडौं। दोस्रो विवाहबारे मैले नसोचेको, नचाहेको होइन । तर, म मेरा आत्मीयसँग फेरि विवाह गर्नेबारे कुरा गर्छु,...
