के हो ८०र२० को नियम? जसलाई व्यापारमा लागू गर्दा बिक्री र आम्दानी दुबै बढ्छ ?

मंसिर २१, काठमाडौं ।स्टार्टअप वा व्यापार व्यवसाय सफल भएको देख्न नचाहने  को होला रु साँच्चिकै भन्ने हो भने बिजनेस शुरु गर्न त्यति सजिलो छैन जति तपाई हामीले सोचिरहेका हुन्छौं ।

दि टाटा, बिरला वा अम्बानी जस्तै अर्बपति बन्ने सपना देख्नुहुन्छ भने तपाइँले केहि कुराहरू लागू गर्न आवश्यक छ किनभने व्यापार गर्नको लागि कार्यबल र अवधारणात्मक प्रविधि पनि चाहिन्छ ।तापनि व्यापार गर्दा तपाईले केही कुराहरु भने सुनिश्चित गर्नुपर्छ । आजको वित्तीय सचेतना श्रृंखलामा केहि त्यस्ता विषयहरुलाई राख्ने जमर्को गरेका छौं जसले व्यवसायलाई सफल बनाउन पद्धत गर्नेछ । यदि स्टार्टअप वा व्यापार व्यवसाय सफल बनाउने प्रयासमा हुनुहुन्छ भने ८०र२० नियम  सर्बप्रथम लागू गर्नुपर्दछ । 

के हो त  व्यापारमा ८०र२०को नियम ?
यो नियम पहिलो पटक एकजना इटालियन अर्थशास्त्री भिलफ्रेडा पारेडोले लागू गरेका हुन् । उनले यो नियम लागू गर्ने क्रममा ८० प्रतिशत प्रभाव वा असार २० प्रतिशत कारणले हुने गरेको पत्ता लगाएका थिए । उनले इटालीको ८० प्रतिशत जमिन २० प्रतिशत जनसंख्याले ओगटेको कुरा सबैभन्दा पहिला पत्ता लगाए । धनको हकमा पनि यस्तै देखियो । यसलाई अझ व्यापार व्यवसायमा लागू गर्दा के पाइयो भने, ८० प्रतिशत बिक्री २० प्रतिशत ग्राहकहरूबाट आउने गरेको प्रमाणित भयो। वा ८० प्रतिशत बिक्री त २० प्रतिशत कर्मचारीद्वारा हुने गरेको पाइयो । अझ भनौं ८० प्रतिशत बिक्री २० प्रतिशत उत्पादनहरूबाट हुने गरेको प्रमाणित भयो ।

यदि यो ८०र २० नियम व्यापार व्यवसायमा लागू गर्ने हो भने तपाईले पनि बिक्री बढाउन र दक्षता सुधार गर्न सक्नुहुन्छ। यी कारणहरुले गर्दा तपाईको व्यवसाय बढ्न सक्छ। 
व्यवसायमा ८० २० नियम लागू गर्ने ५ तरिकाहरू स:

 ग्राहकहरु पहिचान गर्ने
तपाईले सर्बप्रथम व्यवसाय बृद्धि गर्न ग्राहक पहिचान गर्नुपर्छ। ८० २० नियमले यो प्रष्ट गरेको छ कि ८० प्रतिशत बिक्री २० प्रतिशत ग्राहकहरूबाट हुने गर्दछ । यी २० प्रतिशत ग्राहकहरू पहिला चिन्नुहोस । अनि तपाईंले व्यवसायलाई अझ छिटो अगाडि बढाउन सक्नुहुन्छ किनभने ग्राहकको माग, इच्छा र चाहना अनुसार नै मार्केटिङ रणनीतिहरू बनाउन सकिन्छ। ग्राहकहरू पहिचान गर्न तपाईले दैनिक, साप्ताहिक, मासिक व्यापार बिक्रीको तथ्यांकलाई ध्यानपूर्वक अध्ययन गर्नुपर्दछ । यसले सबैभन्दा धेरै ग्राहक कहाँबाट आउँदैछन भनेर ट्र्याक गर्न सहयोग गर्दछ । जसले तपाईंलाई लक्षित विज्ञापनहरू सृजना गर्न मद्दत गर्दछ। धेरै जसो ग्राहकहरु कहाँबाट आउँछन्, यसको पनि ख्याल गर्नुपर्दछ । यसअनुसार आगामी व्यापार रणनीति बनाउन सहयोग हुन्छ ।

लाभदायक उत्पादनहरू पहिचान गर्ने
व्यापारमा धेरैजसो बिक्री कहाँबाट हुन्छ या भइरहेको छ भनेर पनि हेर्ने गर्नुपर्छ। व्यापारमा  ८० प्रतिशत  बिक्री २० प्रतिशत उत्पादनबाट भइरहेको हुन्छ। त्यसोभएकाले तपाईले ती २० प्रतिशत उत्पादनहरू के के हुन् भनेर चिन्न सक्नुपर्छ, जसबाट ८० प्रतिशत व्यापार हुन्छ ।

वेबसाइटमा ट्राफिक बढाउने
व्यापार बृद्धिका लागि वेबसाइट आकर्षक हुनु पर्दछ । खोज इन्जिन अप्टिमाइजेसन अर्थात् एसईओको यस युगमा, ८० २० को नियम यसमा पनि धेरै उपयोगी छ। वेबसाइटमा ८० प्रतिशत ट्राफिक २० प्रतिशत मुख्य कुञ्जीशब्द चयनमार्फत् हुने गर्दछ । एनालिटिक्स मार्फत् यी विशिष्ट कुञ्जी शब्दहरू पहिचान गरेर, उत्पादनका विज्ञापनहरुमा सुधार गर्न सकिन्छ । साथै राम्रो कुञ्जी शब्दहरू पहिचान गरेर वेबसाइट को रयांकमा पनि सुधार गर्न सकिन्छ ।

कम्पनीको लक्ष्य र समय व्यवस्थापन
समय र लक्ष्य व्यवस्थापनमा पनि ध्यान दिनुपर्छ । कम्पनीको २० प्रतिशत उद्धेष्य ८० प्रतिशत बिक्रीले पुरा गर्दछ। लक्ष्यहरूलाई प्राथमिकता राखेर समयलाई राम्रोसँग व्यवस्थापन गर्न सकिन्छ जसले गर्दा कम्पनीले आफ्नो उद्देश्यहरू पुरा गर्न सक्छ।५। 

सामाजिक सञ्जाललाई प्राथमिकता
आजको युग भनेको सामाजिक सञ्जालको युग हो । सामाजिक सञ्जाल हरेक व्यापार व्यवसायको लागि धेरै महत्त्वपूर्ण छ। सामाजिक सञ्जालमा ८० प्रतिशत साझेदारी प्रायः तपाइँको २० प्रतिशत पोस्टहरूबाट भइरहेको हुन्छ । यस्तो अवस्थामा, तपाईंलाई कुन प्रकारको पोष्टले धेरै ट्राफिक पाइरहेको छ भनेर बुझ्न मद्दत गर्दछ। यसले सामाजिक मिडिया सामग्री रणनीति सृजना गर्न पनि मद्दत गर्दछ। -एजेन्सीको सहयोगमा