एबोर्सन पिल्स चक्की प्रयोग गर्दा बैग्लोरमा ३३ वर्षिया महिलाको मृत्यु

पुस ५, काठमाडौं । भारतको बैग्लोरमा केहि दिन अगाडी एबोर्सन पिल्स प्रयोग गर्ने ३३ वर्षिया महिलाको मृत्यु भएको छ । महिला आफैले फार्मेसीबाट औषधी खरिद गरेको सत्य तथ्य बाहिर आएको छ । उक्त पिल्स खाइसकेपछी महिलालाई धेरै रक्तस्राव  र पेटको दु:खाई अधिक भएको थियो । यसपछी उनको स्वास्थ्य अवस्था नाजुक भएको भन्दै श्रीमानले अस्पताल पुर्याएको केहि समयमानै चिकित्सकहरुले मृत घोषित गरेका थिए। 

एबोर्सन पिल्स खाएर मृत्यु भएको यो एउटा मात्र घट्ना होइन् । डक्टरको सल्लाहबिना एबोर्सन पिल्स प्रयोग गर्ने धेरै महिलाहरुको ज्यान गइसकेको भारतका विभिन्न राज्यमा तथ्य फेला परेका छन् । यो क्रम भारतमा निकै बढ्दै गएको चिकित्सकहरुले बताएका छन् । 
 

नेसनल लाइब्ररी अफ मेडिसन रिपोर्टको अनुसार पिल्सको प्रयोगबाट गरिने एबोर्सन गर्व निरोध सर्जिकल एबोर्सन भन्दा दश गुणा ज्यादा खतरनाक भएको बताएका छन् । 

विश्व स्वास्थ्य संगठनको अनुसार सन् २०२० मा विश्वमा हरेक ८ मिनेटमा एक मिहलको असुरक्षीत गर्भपतनका कारण ज्यान गुमाउँछन् । करिब ४ करोड महिला इच्छा विपरितका गर्भको शिकार भएका छन् । जस्मध्ये, २ करोडले असुरक्षित गर्भपतनका उपय अपनाएका कारण ६८ हजार महिलाहरुको ज्यान गएको अनुसन्धाना खुल्न आएको छ । 

नेपालको संन्दर्भमा उल्लेखित विषयमा खासै सर्वेक्षण गरिएका तथ्यांक सार्वजनिक भएका छैनन् । तर अधिकांश नेपाली महिलाहरु गर्भपतनका लागी पिल्सको प्रयोग गर्ने गरेको पाइन्छ । धेरै महिलाहरुले डक्टरको सल्लाहबिना फार्मेसीमा जाने र औषधी खरिद गर्ने गर्छन् । तर, यसो गर्दा आफ्नो ज्यान कति जोखिममा छ भन्ने कुराको अनुमान गर्न सकेका छैनन् । यसकारण, सरकारी निकाय र सम्बन्धित क्षेत्रबाट महिला स्वास्थ्य र पिल्स प्रयोगका बारेमा चेतना जगाउन जरुरी देखिन्छ ।