एकल महिलाका लागि कोष स्थापना

भदौ ५, काठमाडौं इलाम नगरपालिका -७ले एकल महिलाका लागि कोष निर्माण गरेको छ । इलाम नगरपालिका -७ नम्बर वडा  कार्यलयले वडाभित्र रहेका एकल महिलाको जीविकोपार्जनमा सहयोग पु¥याउने उद्देश्यले कोष स्थापनाले गरेको हो। कोषको ब्याजबाट एकल महिलाका क्षेत्रमा काम गर्न सहज पुग्ने बताएको छ।

सीपमूलक कार्यमा सहभागि हुँदै-क्रियाकलापमा सहजता प्रदान गर्न सो काम गरेको वडाध्यक्ष नरेश श्रेष्ठले बताए । उनले पहिला त एकल महिलालाई संगठित बनाएको र उनिहरुको क्रियाकलापमा सहज होस् भनेर सो काम गरेको बताए ।कोषलाई अक्षय कोषझैँ चलाइने बताएको छ । सो कोषमा एकल महिलाका तर्फबाट समेत मासिक रुपमा दुईसय जम्मा गरिने छ । साथै वडाअध्यक्ष श्रेष्ठले समेत मासिक पाँच सय रकम जम्मा गर्ने बताएको छ । महिलाहरु सक्षम भएपनि एकल भएपछि घरमा नै रहने तथा सामाजिक कार्यमा जुट्न अप्ठ्यारो मान्ने भएकाले पनि उनीहरुलाई संगठित गरेर सामाजिक कार्यमा लाग्न प्रेरणा जगाउने उद्देश्यले आफूले सो काम गर्न थालेको वडाध्यक्षले बताए ।