आगलागीबाट सुत्केरी सहित परिवार बिचल्लीमा

पुस ९, काठमाडौं ।  दिप्रुङ चुइचुम्मा गाउँपालिका–७ टेम्मास्थित बर्मीका रामबहादुर सार्कीको घरमा आगलागी हुँदा सुत्केरीसहित परिवार बिचल्लीमा रु १५ लाख बढीको क्षति भएको हो  ।

आगलागीबाट जस्तापाताले छाएको तीनतले घर, नगद एक लाख ५० हजार, डेढ तोला सुन, १४ तोला चाँदी, जग्गा,धनीपुर्जासतिहका कागजात, लत्ताकपडा, भाँडाकुडा, अन्नपानी, काठपातलगायतका सामग्री जलेर नष्ट भएको उनले जानकारी दिए।

आगलागी पीडित रामवहादुर र उनका परिवार सहित  आफन्तले दिएको ओढ्ने ओछ्याउने लिएर मतानमा बास सरिएको उनले बताए । ऋण तिर्न भनेर तयार गरेको रु एक लाख ५० हजार नगदसमेत जल्यो । अहिले बस्ने बासकै टुङ्गो छैन । हामी त जसरी पनि बस्थिम । सुत्केरी बुहारी र नाबालक नातिको विचल्ली भयो’, उनले भने, ‘राहतका लागि आज वडा कार्यालय टेम्मा गएर निवेदन दिएको छु ।