सुनसरी-३ मा गच्छदारलाई हराउँदै एमालेकी भगवती चौधरी विजयी

मंसिर १३, सुनसरी। विजयकुमार सुनसरी क्षेत्र नम्बर ३ मा काँग्रेसका  गच्छदारलाई पराजित गर्दै एमालेकी भगवती चौधरी विजयी भएकी छिन् ।

तीन हजार ६५५ मतगणना हुन बाँकी रहँदा चौधरीले गच्छदारलाई ५ हजार ४३४ मतले पछि पारेकी छिन् । अब उनको विजय आधिकारिक घोषणा हुन मात्रै बाँकी छ । चौधरीले ३९ हजार २९७ मत ल्याउँदा गच्छदारले हालसम्म ३३ हजार ८६३ मत पाएका छन् । सो क्षेत्रको बर्जू गाउँपालिका वडा नम्बर ६ को तीन हजार ६५५ मत गणना हुन मात्रै अब बाँकी छ । 

०४८ सालदेखि नै सो क्षेत्रबाट निर्वाचन लड्दै आएका गच्छदार हालसम्म सो क्षेत्रबाट पराजय भएका थिएनन् । गच्छदारलाई १० वर्षयता लगातार टक्कर दिइरहेकी भगवती चौधरी भने ३१ वर्षमा नभएको विकास आफूले जिते ५ वर्षमै गर्ने बताउँदै निर्वाचन जितेकी छिन् ।