पुस २४ काठमाडौं । देशभर चार्जिङ स्टेसन निर्माणको जिम्मा पाएको दिगोका आयोजनाको चरम लापरबाहीका कारण विद्युतीय सवारीचालक धनीले ठूलो सास्ती बेहोर्नु परिरहेको छ ।
जसको प्रत्यक्ष उदाहरण हो, चितवनको मुग्लिन बजारमा रहेको ‘चार्जिङ स्टेसन’ । यो स्टेसन दुई महिनादेखि बिग्रिएर उपयोग विहिन बनेको छ ।
चितवनको इच्छाकामना गाउँपालिका–५ स्थित मुग्लिन बजारमा रहेको विद्युतीय सवारी चार्जिङ स्टेसन मर्मत नहुँदा समस्या सृजना भएको सेवाग्राहीले गुनासो गरेका छन् ।विद्युतीय चार्जिङ स्टेसन मर्मतमा दिगो आयोजनाको चरम लापरवाही, सेवाग्राहीले पाए हैरानीसञ्चालनमा आएको एक वर्ष नबित्दै चार्जिङ स्टेसनमा ‘चार्ज’ गर्ने ‘नोजल’ फुट्नुका साथै स्टेसनका दुई डीसी चार्जर पनि बिग्रिएका छन् ।
हाल एउटा एसी चार्जर मात्र सञ्चालनमा छ ।सेवाग्राहीहरुका अनुसार एसी चार्जरबाट सवारीसाधन चार्ज गर्न धेरै समय लाग्छ ।नोजलमा समस्या देखिएता पनि कम्पनीले समयमै मर्मत गर्नेतर्फ ध्यान नदिएर लापरवाही गरेको सेवाग्राहीको गुनासो छ ।
राजमार्ग हुँदै चल्ने विद्युतीय सवारीका प्रयोकर्ताहरुले चार्जिङ स्टेसन बिग्रँदा हैरानी बेहोर्नुपरेको गुनासो गर्ने गरेका छन्।
एक जना सेवाग्राहीले त सरकारले विद्युतीय सवारीसाधन प्रयोगमा जोड दिए पनि थप चार्जिङ स्टेसन निर्माण र बिग्रिएका स्टेसनको समयमै निर्माण गर्ने कुरामा ध्यान नदिएको गुनासो गरे ।
सर्बसाधारणको गुनासो बारे बिजशालाले पटक पटक सम्पर्क गर्न खोज्दा दिगोका आयोजनाका व्यवस्थापक शिव अधिकारी सम्पर्कमा आउन चाहेनन् ।
उक्त आयोजनाले नेपाल विद्युत् प्राधिकरणमार्फत देशभर ६२ चार्जिङ स्टेसन निर्माण गरिरहेको छ । देशभर १५३ चार्जिङ स्टेसन मध्ये २० वटामा समस्या कायमै छ ।
राजमार्गजस्तो संवेदनशिल क्षेत्रमा रहेको चाजिंङ स्टेशन समयमै मर्मत सम्भार गर्न बेवास्ता गर्ने कम्पनीलाई कडा कारवाही गर्न सेवाग्राहीले माग गरेका छन् ।