मेरो उपस्थिति र विजय नेपाली राजनीतिको पानीढलो : संसद सोबिता गौतम

माघ ८, काठमाडौं । उपसभामुख उम्मेदवारको तयारी गरेर अन्तिममा सोही पदको लागि प्रस्तावक बनेकी रास्वपाकी सांसद सोबिता गौतमले पहिलोपटक संसदको रोष्टममा उभिएर आफ्नो उपस्थितिलाई नेपाली राजनीतिको पानीढलो भनेकी छन् ।

लिखित सम्बोधन गर्दै काठमाडौं २ बाट निर्वाचित सांसद २७ वर्षीया गौतमले आफ्नो उपस्थिति र विजय नेपाली राजनीतिक इतिहासकै पानीढलोको क्षण भएको बताइन् ।

उनले नेता भनेको ठूलो कद भएको मानिस हुनुपर्छ भन्ने भाष्य समाजबाट नहराउँदै २७ वर्षकी युवामाथि मतदाताले भरोसा गरेर आफ्ना सपनाहरु सुम्पिएको बताइन् ।

उपसभामुख पदमा इन्दिरा राना मगरलाई प्रस्ताव गर्दै उनले संसदको रोष्टममा आफूभन्दा कान्छो व्यक्तिले आएर बोल्ने मौका यसअघि नपाएको बताइन् ।