महिला बालबालिका तथा जेष्ठ नागरिक मन्त्रीमा भगवती चौधरी

माघ ३, काठमाडौं । भगवती चौधरीले महिला बालबालिका तथा जेष्ठ नागरिक मन्त्रीको पद तथा गोपनीयताको शपथ ग्रहण गरेकी छीन् । 

८ मन्त्रालय पाएको एमालेले तीन जना महिलालाई मन्त्री बनाएको हो ।एमालेले प्रतिनिधिसभा सदस्यमा निर्वाचित भएर आएका भगवती चौधरीलाई महिला बालबालिका तथा जेष्ठ नागरिक मन्त्रालयको मन्त्री बनाएको छ ।सुनसरी ३ बाट चौधरी प्रतिनिधिसभा सदस्य निर्वाचित भएकी थिइन् ।

एमालेबाट मन्त्री हुने महिलामा राष्ट्रिय सभामा राष्ट्रपति विद्यादेवी भण्डारीबाट मनोनित सांसद विमला राई पौड्याल पनि छन् । उनले परराष्ट्र मन्त्रालयको जिम्मेवारी पाएकी छन् । त्यस्तै, एमालेले प्रतिनिधिसभा सदस्यमा निर्वाचित भएर आएका ज्वालाकुमारी साहलाई कृषि तथा पशुपन्छी मन्त्रीमा पठाएको छ ।