पुस १०, काठमाडौं । भर्खरै सम्पन्न प्रतिनिधिसभा निर्वाचनमा नौ जना महिला सांसदहरूले प्रत्यक्ष तर्फबाट चुनाव जितेका थिए।
राष्ट्रिय स्वतन्त्र पार्टीबाट तोसीमा कार्की र सोविता गौतम, नेपाली कांग्रेसबाट सीता गुरूङ, नेकपा माओवादी केन्द्रबाट रेखा शर्मा, नेकपा एमालेबाट भगवती चौधरी, विद्या भट्टराई, जुली कुमारी महतो र ज्वाला कुमारी साह अनि नागरिक उन्मुक्त्ति पार्टिबाट रन्जिता श्रेष्ठले प्रत्यक्षतर्फ जितेका हुन्।
सांसदहरूको शपथ सकिएसँगै सरकार गठन प्रक्रिया अघि बढिरहेको छ।
राष्ट्रिय स्वतन्त्र पार्टीकी सोविता गौतम भन्छिन् ‘मन्त्री बन्ने कि नबन्ने भन्ने कुरा हाम्रो पार्टी सरकारमा जान्छ कि जाँदैन भन्ने कुरामा निर्भर रहन्छ । मन्त्री जो बने पनि प्राथमिकतामा रहेका विषयहरुलाई दु्रत गतिमा काम गर्नुपर्दछ ।’
त्यस्तै, नागरिक उन्मुक्ति पार्टीकी रन्जिता श्रेष्ठ भन्छिन,‘ समग्र कैलाली क्षेत्र नम्वर १ ले जसरी मलाई चुनेर पठाउनु भएको छ, नभुली राष्ट्र र देश विकासको लागी कर्तव्यनिष्ठ भएर काम गर्नेछु ।’
नेकपा माओवादी केन्द्रकी रेखा शर्मा भन्छिन्, ‘म नेपाल सरकारले बनाएको संविधान र कानुनको अधिनमा रहेर अधिक्तम मेहेनत गरेर सफल कार्यसम्पादन गर्नेछु । महिला प्रतिनिधि भएकै कारणले पनि म सफल चाहि हुनैपर्छ । संसद बनिसकेपछि मन्त्री बन्नै पर्छ र म नै हुन्छु भन्ने धारणा छैन।’
नेकपा एमालेकी विद्या भटराई भन्छिन्, मन्त्री भएपछी विकासको कुरालाई मात्र हेर्ने र आफनो क्षेत्रामा मात्रै विकास गर्ने जुन किसिमको अभ्यास छ, त्यसलाई परिर्वतन गरेर समावेशी विकासको अवधाराणा अघि बढ्नुपर्छ । विपन्न सिमान्तक्रीत विषयका मुद्दालाई समेटेर विकासको योजना बनाउनु पर्दछ ।
संविधानमा सबै कुराहरु समेटिए पनि लागू हुन सेकेको छैन्, त्यसैले ऐन कानुन निर्माणमा हामीले भूमिका खेल्नुपर्छ, संविधानमा भएका व्यवस्थाहरुलाई कार्यन्वयन गर्नुपर्छ’ –नेपाली काँग्रेसकी सिता गुरुङ भन्छिन्।