मन्त्री पम्फा भुसालद्धारा तीन बुँदे प्रतिबद्धता सार्वजनिक

कात्तिक १६, काठमाडौं। नेकपा माओवादी केन्द्रकी उपमहासचिव एवम् ऊर्जा मन्त्री पम्फा भुसालले तीन बुँदे प्रतिबद्धता पत्र सार्वजनिक गरेकी छिन् । ललितपुरमा आयोजित एक कार्यक्रमका विच भुसालले आफ्नो निर्वाचन क्षेत्रलाई केन्द्रित गरी अबको भिजन गुणस्तरीय जीवन भएको भन्दै प्रतिबद्धता पत्र ल्याएकी हुन् । 

वाम लोकतान्त्रिक गठबन्धनकी ललितपुर–३ की साझा उम्मेदवार भुसालले गुणस्तरीय जीवनका लागि पर्यटनमा आधारित अर्थतन्त्र,पर्यावरण मन्त्री पूर्वाधार र समतामूलक समाज निर्माणमा लग्ने योजना अघि सारेकी छिन् । पर्यटनमा आधारित अर्थतन्त्र निर्माण गर्न ललितपुरको अमूल्य कला, संस्कृति र सम्पदाको संरक्षण तथा प्रवर्द्धन गर्दै आकर्षक पर्यटकीय उत्पादनका लागि स्थानीयसँग परामर्श गरी स्पष्ट नीति निर्माण गर्ने बताएकी छिन् ।

यस्तै पर्यावरण मन्त्री पूर्वाधार निर्माण गर्न निर्माणाधीन बाग्मती,नख्खु, कर्मनासा लगायत करिडोर सम्पन्न गर्ने योजना अघि सारिएको छ । यस्तै ग्वार्को, सातदोबाटो र एकान्तकुनामा फ्लाईओभर निर्माण गर्ने, स्थानीय जनसहभागितामा सरसफाइ तथा वृक्षारोपणलाई प्रोत्साहन गर्ने योजना भुसालले ल्याएकी छिन् । कृषि पर्यटनको प्रवर्द्धन, खेतीयोग्य जमिनको संरक्षण, सहुलियतपूर्ण सिँचाइको व्यवस्था, कृषि उपजको व्यवस्थित सङ्कलन   बजारीकरणको व्यवस्था गर्ने प्रतिबद्धता जनाएकी छिन् ।