भोटेकोशी बाढीपछि आमाछोदिङ्मोका गर्भवती नियमित गर्भजाँचबाट वञ्चित Nepalese Women -

असोज ११, काठमाडौं । भोटेकोशी बाढीका कारण सडक सम्पर्क विच्छेद भएपछि रसुवाको आमाछोदिङ्मो गाउँपालिकाका गर्भवती महिलाहरू नियमित गर्भजाँच तथा अल्ट्रासाउन्ड सेवाबाट वञ्चित भएका छन्। बाढीले जिल्ला सदरमुकाम धुन्चेसँगको सडक सम्पर्क तोडिएपछि गर्भवतीलाई स्वास्थ्य संस्थासम्म पुग्न कठिन भएको हो।

आमाछोदिङ्मो–२ गाउँकी सात महिनाकी गर्भवती दावा कान्छी तामाङले करिब एक महिनाअघि नै अल्ट्रासाउन्ड गर्नुपर्ने भए पनि हालसम्म परीक्षण गराउन सकेकी छैनन्। उनीजस्तै ग्रे गाउँका अन्य तीन गर्भवती पनि बाढीपछि नियमित गर्भजाँच सेवाबाट वञ्चित रहेको स्थानीय स्वास्थ्यकर्मीले बताएका छन्।

गाउँपालिकाले गत वर्ष नै अल्ट्रासाउन्ड मेसिन खरिद गरे पनि सञ्चालनका लागि तालिमप्राप्त जनशक्ति नहुँदा सेवा सञ्चालन हुन सकेको छैन। यसअघि गर्भवतीहरू परीक्षणका लागि सदरमुकाम धुन्चे पुग्ने गरेका थिए। तर बाढीपछि सडक सम्पर्क विच्छेद हुँदा यो विकल्पसमेत बन्द भएको छ।

स्वास्थ्य अधिकारीका अनुसार नदी पार गर्न केही स्थानमा तुइन राखिए पनि गर्भवती महिलाका लागि त्यहाँसम्म पुग्नै कठिन छ। तुइन तरेपछि पनि सदरमुकाम पुग्न घण्टौँ पैदल हिँड्नुपर्ने अवस्था छ। यसले प्रसूति सेवा र आकस्मिक उपचारमा थप जोखिम निम्त्याउन सक्ने स्वास्थ्यकर्मीको भनाइ छ।

चिकित्सकहरूका अनुसार गर्भवती महिलाले प्रसूतिअघि कम्तीमा आठ पटक गर्भजाँच गराउनुपर्छ। साथै गर्भावस्थामा कम्तीमा तीन पटक अल्ट्रासाउन्ड परीक्षण गर्नुपर्ने हुन्छ। नियमित जाँचबाट गर्भावस्थामा देखिन सक्ने जटिलता समयमै पहिचान गर्न सकिने भएकाले बाढी प्रभावित क्षेत्रमा स्वास्थ्य सेवा निरन्तर राख्नुपर्ने विशेषज्ञहरूले बताएका छन्।

गर्भावस्थाको तेस्रो त्रैमासिकमा जटिलता देखिन सक्ने भएकाले प्रसूतिको मिति नजिकिएका महिलालाई अस्पताल आसपास सुरक्षित स्थानमा बस्ने व्यवस्था मिलाउन चिकित्सकहरूले सुझाव दिएका छन्। प्रभावित क्षेत्रमा तालिमप्राप्त स्वास्थ्यकर्मी परिचालन गरी गर्भवती तथा सुत्केरी महिलालाई समयमै सेवा उपलब्ध गराउनसमेत आग्रह गरिएको छ।

आमाछोदिङ्मोका स्वास्थ्यकर्मीका अनुसार गम्भीर बिरामीलाई उपचारका लागि हेलिकोप्टरबाट उद्धार गर्नुपर्ने अवस्था छ। पछिल्लो समय एक बालकलाई सेनाको हेलिकोप्टरमार्फत काठमाडौं पठाइएको उनीहरूले बताएका छन्। यसले बाढी प्रभावित क्षेत्रमा स्वास्थ्य सेवा र यातायातको पहुँच अझै चुनौतीपूर्ण रहेको देखाएको छ।

भोटेकोशी बाढीपछि आमाछोदिङ्मोका गर्भवती नियमित गर्भजाँचबाट वञ्चित

Share this with your friends:

यो पनि हेर्नुहोस्:

प्रजनन स्वास्थ्यका विषयमा मौनता तोड्न नाइजेरियामा महिलालाई आह्वान

गर्भनिरोधक प्रयोगमा नयाँ विकल्प थपिँदै, पाँच वर्षसम्मका इम्प्लान्टलाई डब्लुएचओको समर्थन

किशोरी गर्भावस्था रोक्न शिक्षा, स्वास्थ्य सेवा र अधिकारमा जोड

जटिल प्रसूति समस्या भएकी महिलाको हवाई उद्धार

एचपीभी खोपपछि बालिकामा देखिएको स्वास्थ्य समस्याबारे सांसदको चासो

‘विशेषज्ञ’ र ‘विज्ञ’को योग्यता छुट्याउन सांसद कार्कीको माग

काठमाडौंमा गर्भनिरोधक इम्प्लान्ट सेवा विस्तार गर्न स्वास्थ्यकर्मीलाई तालिम

अफ्रिकी महिलाको स्वास्थ्य र सशक्तीकरणमा लगानी बढाउन घानाकी प्रथम महिलाको आग्रह

बाँकेमा एक सातामै ३ हजारभन्दा बढी किशोरीले लगाए एचपीभी खोप

प्रजनन स्वास्थ्यका विषयमा मौनता तोड्न नाइजेरियामा महिलालाई आह्वान

महिला सुरक्षाको माग गर्दै दिल्ली विश्वविद्यालयमा विद्यार्थीको ‘न्याय मार्च’

सामाजिक सञ्जालमा देखाएको धनसम्पत्तिपछि इन्फ्लुएन्सरको घरमा करोडको चोरी

बलात्कार घटनापछि दिल्लीको लेडी श्रीराम कलेजमा विद्यार्थीको सुरक्षा चिन्ता

महिलाको सुरक्षा सुनिश्चित नभएसम्म मौलिक अधिकारको पूर्ण प्रयोग कठिन

गर्भनिरोधक प्रयोगमा नयाँ विकल्प थपिँदै, पाँच वर्षसम्मका इम्प्लान्टलाई डब्लुएचओको समर्थन

६१ वर्ष संगीतमा बिताएकी मीरा राणाले एकपटक मात्र लिइन् पारिश्रमिक

विपद्पछिको पुनर्निर्माणमा महिलालाई लाभग्राही मात्र होइन, नेतृत्वकर्ताका रूपमा जोड्नुपर्ने

डिजिटल संसारमा महिलामाथि हिंसाका नयाँ स्वरूप, डीपफेकदेखि साइबर स्टकिङसम्म

किशोरी गर्भावस्था रोक्न शिक्षा, स्वास्थ्य सेवा र अधिकारमा जोड

एकै विधेयकमार्फत १२ वटा ऐन संशोधनको तयारीमा महिला मन्त्रालय

१५ वर्षमुनिका बालबालिकालाई श्रममा रोक लगाउन विपक्षी सांसदको संशोधन

राष्ट्रसंघमा उठाइएको नेपालको मुद्दालाई निरन्तरता दिनुपर्नेमा धितालको जोड

जटिल प्रसूति समस्या भएकी महिलाको हवाई उद्धार

महिला तथा बालिकामाथिको डिजिटल हिंसा रोक्न विश्वव्यापी पहलको माग

प्रत्येक महिला पुरुषभन्दा कमजोर छैनन् : कमला भासिन

पुरुष कलमले पूर्ण नारीलाई लेख्न सक्दैन

कालो तिलले कम्मर दुखेको र अनुहारमा भएको पोतोको उपचार गर्छ

दुबईमा पहिलो पटक नेपाली कल्चरल पहिरनको फेसन शो सम्पन्न

उमेर अनुसारको हुनुपर्छ खान्की, अनि मात्र मानिस स्वस्थ रहन्छ

यी भोजन खाए छाला सुन्दर हुन्छ !

मुलुकका सम्मानित पदमा महिलाको उपस्थिति, सबैका लागि आशाको ढोका उघारे

लोग्नेमान्छेको जात केटी देखेपछि.....

मनोसामाजिक समस्या के हो?

महिलाको दोस्रो विवाहको कुरा सुन्दा पढेलेखेकैले अनुहार बिगार्छन्