नेपालकी प्रथम महिला राजदूत विन्देश्वरी शाहको निधन

पुस १८, काठमाडौं। 

नेपालको पहिलो महिला राजदूत विन्देश्वरी शाहको बिहीबार ९२ वर्षको उमेरमा निधन भएको छ। परराष्ट्र मन्त्रालयकी प्रथम महिला अतिरिक्त सचिवबाट अवकाश पाएकी उनी बैंकर अनिलकेशरी शाहकी आमा हुन्।

शाहको निधन भएको पूर्वपरराष्ट्रसचिव मदनकुमार भट्टराईले नयाँ पत्रिकालाई जानकारी दिएका छन्। भट्टराईका अनुसार उनी अमेरिका ९कोलम्बिया युनिभर्सिटी०बाट स्नातक गर्ने पहिलो नेपाली महिला थिइन्। सन् १९५८ मा जोन्स हप्किन्स युनिभर्सिटीबाट अन्तर्राष्ट्रिय राजनीतिमा डिग्री पूरा गरेपछि अमेरिकाबाट स्नातकोत्तर गर्ने पहिलो नेपाली महिला पनि थिइन्।

नेपालको विदेश सेवाकी प्रथम महिला अधिकृत, ढाकास्थित नेपाली राजदूतावासमा प्रथम महिला कार्यवाहक राजदूत र पछि भारतका लागि नेपाली राजदूत थिइन्। उनी नेपालको पहिलो महिला राजदूत रहेकी भट्टराईले जानकारी दिए। २०४४ सालमा उनी भारतका लागि राजदूत थिइन्। जनआन्दोलनलगत्तै सरकारले उनलाई राजदूतबाट फिर्ता गरेको थियो। 

उनका दुई छोराहरू अनिल शाह र उज्ज्वल शाह हुन्। उज्ज्वलको निधन भइसकेको छ। विन्देश्वरी नेपालबाट भारतका लागि अहिलेसम्म परराष्ट्र सेवाबाट गएकी अन्तिम करिअर राजदूत हुन्। उनीपछि भारतमा राजनीतिक भागबन्डाका आधारमा परराष्ट्रबाहिरका व्यक्तिहरू राजदूत हुँदै आएका छन्।