बैशाख १४, लमजुङ — लमजुङको एक गाउँपालिकामा दलित महिला सदस्यमा एकल उम्मेदवारी दिएको छ र्। लमजुङको क्व्होलासोथार गाउँपालिका - ३ नम्वर वडामा दलित महिला सदस्यमा अरु राजनीतिक दल तथा स्वतन्त्रले उम्मेदवारी नदिएपछि घलेगाउँकी पार्वती सुनार बिकको एकल उम्मेदवारी परेको हो ।
क्व्होलासोथार गाउँपालिका -३ को वडाअध्यक्षमा नेकपा एमालेबाट अध्यक्षमा आसवीर गुरुङ, वडा सदस्य खुलामा बिनप्रसाद घले र भोजबहादुर घले, महिला सदस्यमा शान्ति गुरुङ र दलित महिला सदस्यमा पार्वती सुनार बिकले उम्मेदवारी दिएका थिए ।
क्व्होलासोथारस्थित निर्वाचन अधिकृतको कार्यालयका सहायक निर्वाचन अधिकृत त्रिलोकचन्द्र गुरुङका अनुसार नेकपा एमालेबाट वडा नम्बर ३ को दलित महिला सदस्यमा उम्मेदवारी परेको र अन्य कुनै राजनीतिक दल तथा स्वतन्त्र रुपमा उम्मेदवारी नपरेको बताए ।