साउन २५, धनुषा । नेकपा एमालेकी पोलिटब्युरो सदस्य जुलीकुमारी महतोले धनुषाको क्षेत्र नम्बर ३ बाट प्रतिनिधिसभा सदस्यका लागि उम्मेदवारी घोषणा गरेकी छन् । अगामी मंसिर ४ गते हुने निर्वाचनका लागि प्रतिनिधि तथा प्रदेशसभा सदस्यको धनुषा क्षेत्र नम्बर ३ बाट उम्मेदवारी घोषणा गरेकी हुन् ।
उनले भनिन् कार्यकर्ताहरु सँग राम्रो सम्बन्ध रहेकाले मलाई चुनाव लड्नका लागि समेत व्यापक दवाव आइरहेको छ, त्यसैले उम्मेदवारी घोषणा गरेकी हुँ । पाँच दलीय गठबन्धन भएपनि एमालेले एक्लै स्थानीय तहको निर्वाचनमा मत परिणाम राम्रो ल्याउन सफल भएको र आफुसँग जनता रहेकाले एमालेको जीत सुनिश्चित छ ।’
यस्तै उनले प्रतिनिधि तथा प्रदेशसभा सदस्य पदमा प्रत्यक्षबाट ५० प्रतिशत महिलालाई निर्वाचनमा उम्मेदवार बनाउन एमालेलगायत विभिन्न दलसँग आग्रह समेत गरिन् । उनले महिलालाई समानुपातिक कोटामा सिमित नगरि प्रत्यक्ष तर्फबाट पनि उम्मेदवार बनाएर निर्वाचनमा उम्मेदवार बनाउन माग समेत गरेकी छिन् ।