अन्तरजातीय विवाह गरेका सत्येन्द्र-नेहाको विषय पुग्यो संसद्, गृहमन्त्रीको भूमिकामाथि प्रश्न

माघ २४ काठमाडौं । अन्तरजातीय विवाह गरेका सर्लाहीका सत्येन्द्र चमार र नेहा रौनियारमाथि गृहमन्त्रीकै निर्देशनमा अत्याचार भएको भन्ने विषयमा संसद्‌मा व्यापक प्रश्न उठेको छ।

बिहीबार (आज) बसेको संसद् बैठकको आकस्मिक तथा शून्य समयमा सांसदहरूले गृहमन्त्रीको भूमिकामाथि प्रश्न उठाउँदै त्यसप्रति निष्पक्ष छानबिनको माग गरेका हुन्।

सांसद शान्ति विकले गृहमन्त्री रमेश लेखकको भूमिकामाथि प्रश्न उठाउँदै प्रेम गर्नु अपराध हो भनेर प्रश्न गरिन्।

यस्तै अर्का सांसद हर्कमाया विकले पनि यसबारे गम्भीर ध्यानाकर्षण भएको बताइन्। सरकारकै सक्रियतामा कुनै विवाहित जोडीलाई दुस्ख दिनु अपराध भएको उल्लेख गर्दै घटनाबारे गृहमन्त्रीले जवाफ दिनुपर्ने माग गरिन्।

अर्का सांसद रनेन्द्र बराइलीले पनि घटनाबारे छानबिन हुनुपर्ने माग गरे। यो विषय के हो, निष्पक्ष छानबिन होस्,उनले भने, गृहमन्त्रीको भूमिकाबारे जवाफ पाउँ।

अर्का सांसद शिव नेपालीले पनि राज्यले नै कुनै प्रेम जोडीलाई दुस्ख दिनु कति स्वाभाविक हो भनेर प्रश्न गरे। साथमा उनले छानबिनको मागसमेत गरेका छन्।

अर्का सांसद अनिशा नेपालीले पनि राज्यले नै उनीहरूको सम्बन्ध तोड्नका लागि काम गरेको आरोप लगाइन्। उनले सोधिन्, दलित मान्छे होइनन् रु घटनाबारे छानबिन होस्।

यस्तै अर्का सांसद अम्मरबहादुर थापाले पनि यसप्रति प्रश्न उठाए। घटनाबारे छानबिन हुनुपर्ने माग सांसद थापाको छ।

अर्का सांसद आशा विकले पनि अहिलेको अवस्थामा पनि दलित समुदायमाथि त्यस्ता घटना घट्नु निकै दुखद् रहेको बताइन्। आज यो घटनाले सम्पूर्ण नेपालीसँगै साठी लाख दलित समुदायहरूको शिर निहुरिएको छ,उनले भनिन्।

यसअघि प्रेम विवाह गरेका चमार र रौनियारमाथि सरकार र अदालतकै संलग्नतामा दुस्ख दिने काम भएको समाचार प्रकाशित भएका थिए।