शिक्षकद्वारा विद्यार्थीमाथि यौन दुर्व्यवहार, मिलापत्र गर्न स्कुलले दबाब दिएको आरोप

वैशाख २३,काठमाडौं । काठमाडौँको शान्तिनगरस्थित बेबीलोन बोर्डिङ स्कुलमा कार्यरत एक शिक्षकमाथि बाल यौन दुर्व्यवहारको आरोप लागेको छ ।
सांकेतिक नाम ‘बानेश्वर २६९६४० क’ लाई पटक–पटक बाल यौन दुर्व्यवहार गरेको आरोपमा पीडितकी आमाको मौखिक जाहेरीका आधारमा नयाँ बानेश्वर प्रहरी वृत्तले ५४ वर्षीय टीकाप्रसाद सुवेदीलाई नियन्त्रणमा लिएको छ । उनी विद्यालयको प्रशासनतर्फ परीक्षा विभागमा कार्यरत रहेको विद्यालयले जनाएको छ ।

विद्यालयका अनुसार मोरङको बेलबारी नगरपालिका घर भई काठमाडौँको कागेश्वरी मनोहरामा बस्दै आएका सुवेदी सो विद्यालयमा करिब १२ वर्षदेखि कार्यरत थिए ।
सुवेदीविरुद्ध पीडितकी आमाले शनिबार किटानी जाहेरी दिएकी छन् । प्रहरीले आइतबार काठमाडौँ जिल्ला अदालतबाट म्याद थप गरेर सुवेदीलाई हिरासतमा राखी अनुसन्धान गरिरहेको छ । यौन बाल दुर्व्यवहारको कसुरमा सुवेदीलाई पक्राउ गरी पाँच दिनको म्याद थपेर प्रहरी वृत्त नयाँबानेश्वरले अनुसन्धान गरिरहेको जिल्ला प्रहरी परिसर काठमाडौँका एसपी अपिल बोहराले जानकारी दिए ।
सुवेदीले २०८० चैत महिनामा ती किशोरीलाई पटक–पटक यौन दुर्व्यवहार गरेको आरोप लागेको छ । टिफिनको समयमा कक्षाबाट बाहिर निस्केको बेला सुवेदीले आफू एक्लै स्टाफ कोठामा बसी यता आऊ भनेर १४ वर्षीया ती किशोरीलाई बोलाउने गरेको किटानी जाहेरीमा उल्लेख छ । उनले स्टाफ कोठामा बोलाइ करणी गर्ने हिसाबले बालिकाका संवेदनशील अंगहरूमा छुनेरसमाउने र उनलाई पनि आफ्ना अंग छुने, समाउने गर्न लगाएको आरोप पीडितकी आमाको छ ।
पछिल्लो पटक २०८० चैत २१ गते दिउँसो ३-३० बजे सुवेदीले सोही घटना दोहोर्‍याएपछि पीडित किशोरीले आमालाई सबै कुरा बताएकी थिइन् । त्यसपछि विद्यालयमा गुनासो गर्दा उल्टै मिलापत्र गर्न दबाब दिँदै छोरीलाई टर्मिनेट गर्दिने धम्की दिइएको पीडितकी आमाले रातोपाटीलाई बताइन् ।

छोरीको पढाइको सवाल छ भनेर प्रभावित पार्ने र टर्मिनेट गर्दिन्छु भनेर स्कुलले दबाब दिई शुक्रबार मिलापत्र गर्न लगाएको उनले बताइन् । बेबीलोनका फाउन्डर तथा प्रिन्सिपल राजु राईसहितले मिलापत्र कागजमा हस्ताक्षर गर्न दबाब दिएको उनको भनाइ छ ।

‘पढाइको सवाल छ भनेर शुक्रबार मात्र धम्की दिई जबरजस्ती मिलापत्र गर्न लगाइएको थियो । प्रिन्सिपल र चेयरमेनसहित १०–१२ जना थिए । कानुन व्यवसायीहरू पनि आएका थिए,’ उनले भनिन् ।

यद्यपि प्रिन्सिपल राईले भने विद्यालयले मिलापत्रका लागि दबाब दिएको सत्य नभएको दाबी गरेका छन् ।प्रहरीले बोलाएपछि कर्मचारीलाई जिम्मा लगाएर आएका हौँ । दुर्व्यवहारको घटनामा हामी गम्भीर हुन्छौँ भनेका छौँ,उनले भने, उहाँ (पीडित) की आमाले उक्त घटनाबारे बताएपछि हामीले आन्तरिक छानबिन गर्छौँ, दुर्व्यवहारका विषयमा गम्भीर छौँ भनेका हौँ ।दुई वर्ष अघिदेखि पीडितकी आमा र ती कर्मचारीबिच विवाद रहेकाले सो आरोप लगाएको हुनसक्ने दाबी राईले गरे । हामीले सामान्य हेर्दा उहाँ ९सुवेदी०ले परीक्षा हेर्ने भएकाले दुई वर्षअघिदेखि कन्फ्लिक्ट सुरु भएको देखिन्छ, थर बदल्न खोज्दा डिस्कस भएको देखिन्छ । त्यही डिसकसलाई इगोका रूपमा लिएर यहाँसम्म पुगेको र ब्याड टचको आरोप लगाएको हो जस्तो देखिन्छ,ु उनले भने । अन्य बालिकालाई पनि दुर्व्यवहार गरेको आरोप लागेको विषयमा सोध्दा पीडितकी आमाले त्यस्तो प्लटिङु गरेको आरोप राईको छ । 

शुक्रबार मिलापत्र गरेको बताएकी पीडितकी आमाले शनिबार पुनः प्रहरीमा लिखित किटानी जाहेरी दिएकी थिइन् । किटानी जाहेरीमा सुवेदीले ती किशोरीलाई जस्तै अन्य विद्यार्थीलाई पनि बाल यौन दुर्व्यवहार गरेको दाबी गरिएको छ । जाहेरीमा पीडितका साथीहरूले पठाएको मेसेज स्क्रिन सर्ट समेत सबुद प्रमाणका रूपमा पेस गरिएको उल्लेख गरिएको छ ।

सुवेदीलाई मुलुकी अपराध संहिता २०७४ दफा २२५ बमोजिम बाल यौन दुर्व्यवहार कसुरमा कारबाही गर्न माग गरिएको छ । उक्त व्यवस्थाअनुसार सुवेदी दोषी ठहर भएमा तीन वर्षसम्म कैद र ३० हजार रुपैयाँ जरिवाना हुनसक्छ ।