बङ्गलादेशमा बङ्गलादेशका नवनिर्वाचित सांसद्‍द्वारा सपथ ग्रहण

पुस २५, काठमाडौं । बुधबार बङ्गलादेशकी प्रधानमन्त्री शेख हसिना र उनको पार्टीका अन्य सांसदले जनवरी ७ मा भएको संसदीय निर्वाचनपछि बुधबार सांसद् पदको सपथ लिएका छन्।

शिरीन शर्मिन चौधरीले सांसद्हरुलाई सपथ ग्रहण गराएका थिए । 
अन्य दलका नवनिर्वाचित र स्वतन्त्र सांसदले यस समारोहमा शपथ लिएका थिए । निर्वाचन आयोगले मङ्गलबार अपराह्न प्रकाशित गरेको राजपत्रमा प्रकाशित सूचनाअनुसार हसिना नेतृत्वको अवामी लीग पार्टीले २९८ मध्ये २२२ सिट जितेको छ।

प्रधानमन्त्री हसिना नेतृत्वको सरकारले गराउने निर्वाचन स्वच्छ तथा स्वतन्त्ररूपमा हुनेमा आशङ्का व्यक्त गर्दै बङ्लादेश नेशनल पार्टीलगायतका प्रमुख विपक्षी दलहरूले गत आइतबार सम्पन्न निर्वाचनमा भाग लिएका थिएनन्।