सञ्चारमा महिला सहभागिता बढाउन माग

पुस २९, ललितपुर । संविधान र कानूनले महिलाको समानुपातिक समावेशीे सिद्धान्तको आधारमा महिला सभागिताको कुरा गरे पनि त्यसको कार्यान्वय पक्ष फितलो रहेको पत्रकार महिलाहरूले बताएका छन् । पहिला महिला सहभागिता हुनु आवश्यक भएको भन्दै त्यसपछि मात्रै उनीहरूको क्षमतामा प्रश्न गर्नु पत्रकार महिलाहरूले अनुरोध गरेका छन् । सञ्चारिका समूह र सेन्टर फर मिडिया रिर्सचको आयोजनामा भएको सञ्चार नीति र बन्दै गरेको कानूनहरूमा पत्रकार महिला विषयक अन्र्तक्रिया कार्यक्रममा बोल्दै उनीहरूले यस्तो बताएका हुन ।

सञ्चार गृह अहिले पनि पत्रकार महिलालाई, महिलाका विषयबस्तु भन्दा अरु कुरामा रिपोर्टिङ्ग गर्न दिन डराउने गरेको पत्रकार महिलाहरूले गुनासो रहेका थियो । सरकारले अब बनाउने आमसञ्चार सम्बन्धी कानूनमा महिलाहरूको समानुपातिक सहभागिताको कुरा समेट्दै यसलाई परिमार्जन गरेर लैजानु पर्ने कुरामा पनि पत्रकार महिलाहरूले जोड दिएका छन् । सञ्चारिका समूहकी अध्यक्ष नितु पण्डितले प्रस्तुत गरेको नीति तथा कार्याक्रमको अवधारणा पत्रपछि छलफल गर्दैै उनीहरूले यस्तो कुरामा जोड दिएका हुन् । आम सञ्चार नीति र कानून सकारात्मक भए पनि बाध्यकारी नभएकाले यो प्रभावकारी हुन नसकेको भन्दै यसलाई बाध्यकारी व्यवस्था बनाउन पनि पत्रकार महिलाहरूले माग गरेका छन् ।
महिला खबर