विपन्न छात्रालाई सहयोग गर्न एकल साँझ

पुस ९, काठमाडौं । रोटरी क्लव अफ त्रिपुरेश्वरको आयोजनामा आउँदो बिहीवार ‘देविका बन्दना एकल साँझ’ हुने भएको छ ।

काठमाडौं, नुवाकोट, रामेछाप र काभ्रेका ग्रामीण भेगका सामुदायिक विद्यालयमा अध्ययनरत विपन्न परिवारका छात्रालाई सहयोग गर्ने उद्देश्यले कार्यक्रम आयोजना गर्न लागिएको हो । क्लवले आइतबार आयोजना गरेको पत्रकार सम्मेलनमा संस्थापक पे्रसिडेन्ट सन्तोष शर्माले एकल साँझबाट संकलित रकम कोषको रुपमा खडा गरेर छात्रवृति एवं अन्य शैक्षिक सहयोग प्रदान गर्न स्रोत जुटाइने बताए ।

नेपाल प्रज्ञा प्रतिष्ठानमा साँझ साढे पाँच बजेबाट शुरु हुने कार्यक्रमलाई सफल बनाउन क्लवले सबैमा अपिल समेत गरेको छ । गायिका बन्दनाले नेपाली, हिन्दी र नेवारीका उत्कृष्ट गीत कार्यक्रममा प्रस्तुत गर्नेछिन् । उनलाई गायक विजेश पौडेलले साथ दिनेछन् । रोटरी क्लव अफ त्रिपुरेश्वर सन २००३ मा स्थापना भएको हो । क्लवको आगामी जनवरी ८ तारिखका दिन स्थापना दिवस मनाउँदै छ । क्लवले यसअघि विभिन्न सामाजिक क्षेत्रमा काम गर्दै आएको क्वलका पेसिडेन्ट भरतकुमार श्रेष्ठले बताए । एकल साँझको टिकटको मूल्य पाँच सय, एक हजार, दुई हजार, पाँच हजार रुपैयाँ रहेको छ ।