लेखनाथ खतिवडा
पुस २२, पाचथर । पाँचथरको फिदिममा एक वेवारिसे महिला फेला परेकी छन् । फिदिम नगरपालिका वडा नम्बर–४ कि गीता गुरुङले उद्धार गरी आफ्नो घरमा राखेकी उनलाई महिला सेवा केन्द्रमा पठाइएको छ ।आफ्नो नाम, ठेगाना र वतन समेत पटकै पिच्छे फरक–फरक बताउने उनलाई बेवारिसे अवस्थामा फिदिममा फेला पारेपछि गुरुङले उद्धार गरेकी थिइन् । आफ्नो नाम बुदुना तामाङ बताउने करिव २५ वर्षीया महिला एक हप्तादेखि फिदिम बजारमा बेवारिसे भई हिँडिरहेकी थिइन् ।नाम ठेगाना थाहा नभएकी उनलाई खोजी गर्न कोही आउने अपेक्षासहित आफ्नै घरमा राख्दै आएको गुरुङले बताइन् ।
उद्धार गरेको एक हप्ता बितिसक्दा समेत कोही आफन्त सम्पर्कमा नआएपछि फिदिम नगरपालिकास्थित महिला तथा बालबालिका शाखा मार्फत उनलाई जिल्ला सेवा केन्द्रमा पठाइएको गुरुङले बताइन् ।सेवा केन्द्रमा उनलाई मनोसामाजिक परामर्श प्रदान गरी औषधि उपचार र अस्थायी बसोबासको व्यवस्था मिलाइएको फिदिम नगरपालिकाको महिला विकास शाखाकी प्रमुख निर्मला दाहालले बताइन् ।
महिला खबर