पुस १७, ललितपुर । रसुवामा एक बालिकालाई सामूहिक रूपमा बलात्कार गर्ने नुवाकोटका तीन युवालाई थप एक साता थुनामै राखेर अनुसन्धान हुने भएको छ । बालिका बलात्कारको आरोपमा पक्राउ परेका नुवाकोटको बेलकोटगढी नगरपालिका ७ का १९ वर्षीय दीपक खतिवडा, विदुर ४ का २५ वर्षीय सञ्जीवकुमार गुप्ता र सोही ठाउँका २२ वर्षीय राजकुमार श्रेष्ठलाई थप एक साता थुनामै राखिने भएको हो ।
पुस ७ गते राती रसुवाको टिमुरेमा बलात्कृत भएकी बालिकाले दिएको उजुरीको आधारमा पुस ८ गते उनीहरु पक्राउ परेका थिए । बालिकाको स्वास्थ्य जाँच र प्रारम्भिक अनुसन्धानबाट बालिकामाथि सामूहिक बलात्कार भएको देखिएको तर स्वतन्त्र पुष्टि हुन बाँकी रहेको जिल्ला प्रहरी कार्यालय रसुवाका प्रहरी निरीक्षक रञ्जन अवाले जानकारी दिए ।
प्रहरी निरीक्षक अवाले उनीहरूलाई म्याद थपका लागि आज पुन अदालतमा पेश गरिने जानकारी दिए । युवाहरूले बलात्कारका निम्ति प्रयोग गरेको बा४ख ४३२ नम्बरको आइचर कम्पनीको मिनीट्रक समेत प्रहरीले नै नियन्त्रणमा राखेको छ । बलात्कारमा संलग्न नुवाकोटको बेलकोटगढी नगरपालिका ७ का १९ वर्षीय दीपक खतिवडा, विदुर ४ का २५ वर्षीय सञ्जीवकुमार गुप्ता र सोही ठाउँका २२ वर्षीय राजकुमार श्रेष्ठ पुस ८ गते नै पक्राउ परेका थिए । उनीहरू जिल्ला प्रहरी कार्यालय रसुवाको हिरासतमा रहेका छन् ।
महिला खबरमा प्रकाशित