नेपाल आइडल रवि ओडकी आमाको निधन

पुस ११, काठमाडौं । दोस्रो सिजनको नेपाल आइडल विजेता रवि ओडलाई मातृशोक परेको छ । केही दिन अघि नेपाल आइडलको दोस्रो संस्करणका विजेता रविकी आमाको करेन्ट लागेर निधन भएको हो ।  आज ९बुधबार० बिहान ७ बजे पानी तान्ने मोटर चलाउने क्रममा करेन्ट लागेर उनकी आमा ४५ वर्षीया विष्णा ओडको निधन भएको बताइएको छ । करेन्ट लागेकी विष्णालाई चिकित्सकहरुले मृत घोषित गरिसकेको सेती अञ्चल अस्पतालका इमरजेन्सी वार्ड इन्चार्ज कृष्ण बोहोराले पुष्टि गरेका छन् । अस्पतालका अनुसार उनको अस्पताल लैजाने क्रममा बाटोमै निधन भइसकेको थियो । 

कञ्चनपुरमा आयोजित विभिन्न कार्यक्रममा सम्मान तथा अभिनन्दन समारोहमा उपस्थित रवि व्यवस्तताका कारण घर जान पाएका थिएनन् । रविलाई जन्मदिने आमाको यसअघि नै निधन भइसकेको थियो । विष्णा रविकी कान्छी आमा हुन् । सानैमा जन्मदिने आमा गुमाएका रविलाई विष्णालेनै हुर्काएकी थिईन् । 

रविका बुवा राजेन्द्र अहिले पनि भारतमा पालेको काम गर्दै आएका छन्  । रविका हजुरबुवा पहाडी जिल्ला अछामबाट बसाइँ सरेर कञ्चनपुर झरेका थिए । रविका हजुरबुवा र बुवा जीविका चलाउने गतिलो स्रोत खोज्दै अछामको साँफेबगर नगरपालिका ९साविक बुढाकोट गाविस बाट कञ्चनपुर झरेका थिए ।