नारायणी नदीमा हाम फालेकी महिलाको उपचारका क्रममा मृत्यु

साउन १८, काठमाडौं । चितवनको नारायणी नदीमा हाम फालेकी महिलाको उपचारका क्रममा मृत्यु भएको छ । नारायणी पुलबाट नदीमा हाम फालेकी महिलाको चितवन मेडिकल कलेजमा उपचारको क्रममा मृत्यु भएको जिल्ला प्रहरी कार्यालय चितवनका प्रमुख प्रहरी उपरीक्षक रामेश्वर कार्कीले बताएका छन् ।

उनका अनुसार अन्दाजी ४५ वर्षीय महिलालाई नदीमा हम्फालेको र उनलाई वडा प्रहरी कार्यालय नारायणगढ र प्रहरीको विपद् व्यवस्थापनका लागि नदी किनारमा तैनाथ टोलीले महिला हाम फालेको देखेर उद्धार गरी अस्पताल पुर्‍याएको र चिकित्सकले १५ मिनेट समय अवधिमा महिलालाई मृत घोषणा गरेका थिए ।

महिलाको बिहान ८ः३६ बजेको समयमा अस्पतालमा मृत्यु भएको उनले जानकारी दिए । बिहीबार बिहान करिब ७ः४० बजेको समयमा भरतपुर महानगरपालिका–३ स्थित नारायणी पुलबाट ती महिला नदीमा हाम फालेकी थिइन् । 

मृत महिलाको हाल नाम थर खुल्न सकेको छैन ।