तीन वर्षको प्रेमपछि अन्तर्जातीय बिहे गरेका दलित युवाविरुद्व अपहरण मुद्दा

असार ७ ,काठमाडौं । गैरदलित युवतीसँग प्रेम विवाह गरेको कारण सप्तरीको विष्नुपुर गाँउपालिका -६का मनोजकुमार रामअपहरण मुदामा कारागारमा छन् । उनले अग्निसाइर कृष्णासवरन गाँउपालिका-४की बबिता इसरसँग ०७९ कात्तिकमा प्रेम विवाह गरेका थिए ।

तर केटी पक्षले पानी पनि नचल्ने केटा भन्दै बबिताको किर्ते जन्म दर्ता बनाएर मनोजविरुद्व अपहरण तथा शरीर बन्धक मुद्वा दायर ग–यो । त्यसको आधारमा सप्तरी जिल्ला अदालतले  मनोजलाई पुर्वपक्षका लागि कारागाराचलान गरेको छ ।
जब कि कपिलवस्तु जिल्ला अदालतले मनोज र बकितालाई विवाह दर्ताको प्रमाणपत्र दिइसकेको छ ।बबिता भन्छिन्,मेरो नक्कली जन्मदर्ता बनाएर मेरै श्रीमानलाई जेल पठाए, न्याय चाहियो। मेरो उमेर २१ बर्ष भएको  छ ।स्वच्छाले बिहे गरेकी हुँ ।बुबाले नक्कली जन्मदर्ता बनाएर फसाउन खाजेका छन् ।त्यसका आधारमा मेरा श्रीमानलाई कारागार पठाइएको छ । हामीलाई न्याय चाहियो ।