छाउगोठमा आगो लाग्दा आमासहित २ छोराको ज्यान गयो

पुस २६, ललितपुर । बाजुरामा छाउगोठमा आगलागी हुँदा आमा सहित २ छोराको ज्यान गएको छ । बाजुराको बुढीनन्दा नगरपालिका अंगपानी भुपेचौरमा आगलागी परी ३५ वर्षीया अम्बा बोहरा र उनका दुई छोरा सुरेश ९९ वर्ष र रमित ९७ वर्ष को मृत्यु भएको प्रहरीले जानकारी दिएको छ । जिल्ला प्रहरी कार्यालय बाजुराका प्रमुख प्रहरी नायब उपरीक्षक उद्धबसिंह भाटले प्रहरी घटनास्थल पुगिसकेको र आगलागीकोे कारणबारे अनुसन्धान भइरहेको बताए । अम्बाका श्रीमान रोजगारीको सिसिलामा भारतमा रहको प्रहरीले जानकारी दिएको छ । जाडो बढेका कारण आगो बालेर सुतेको अवस्थामा आगलागीको हुनसक्ने प्रहरीको अनुमान छ । बाजुरा सदरमुकामबाट करिब ८ घण्टाको पैदल दुरीमा घटनास्थल छ ।

महिला खबर